امریکہ میں پاکستان کے سابق سفیر حسین حقانی کو غدار سمجھتا ہوں ،ْ ہماری حکومت آئی تو حسین حقانی کو کوئی نہ کوئی سزا دیں گے ،ْآصف زر داری

جمعرات 20 اپریل 2017 13:34

اسلام آباد (اُردو پوائنٹ اخبارتازہ ترین - این این آئی۔ 20 اپریل2017ء) سابق صدر آصف علی زرداری نے کہا ہے کہ امریکہ میں پاکستان کے سابق سفیر حسین حقانی کو غدار سمجھتا ہوں ،ْجس نے دھرتی سے وفانہیں کی وہ اپنی ماں سے بغاوت کرتاہے ،ْوہ کچھ بھی کرسکتا ہے،اگر ہماری حکومت آئی تو حسین حقانی کو کوئی نہ کوئی سزا دیں گے۔

(جاری ہے)

ایک انٹرویو میں پیپلز پارٹی کے شریک چیئرمین آصف زرداری نے کہاکہ میں نے اپنے سامنے مشرف کونکالنے اور اداروں کو بنانے کا مقصد رکھا تھا۔

انہوں نے کہا کہ شہباز شریف کو اپنی سوچ کے قریب نہیں سمجھتا، ایم این اے کی نشست پر سندھ سے انتخابات میں حصہ لوں گا، میرے ساتھیوں کو کیوں اٹھایا کیا جا رہا ہے یہ تو اٹھانے والے جانیں۔آصف زرداری نے کہاکہ جیل میں قید تنہائی میں تھاتب دبائومیں نہ آیا تواب کیا آئوں گا، میرے ساتھیوں کو جو اٹھا رہے ہیں ان سے نہیں لڑوں گا۔