وزیراعظم نوازشریف سندھ کے عوام کو تنہا نہیں چھوڑ سکتے،مسلم لیگ ن کے کا میاب جلسوں سے سندھ کے حکمران بوکھلاہٹ کا شکار ہو گئے،ڈاکٹر آصف کرمانی

جمعہ 14 اپریل 2017 23:50

اسلام آباد ۔ (اُردو پوائنٹ اخبارتازہ ترین - اے پی پی۔ 14 اپریل2017ء) وزیراعظم کے معاون خصوصی ڈاکٹر آصف کرمانی نے کہا ہے کہ وزیراعظم نوازشریف سندھ کے عوام کو تنہا نہیں چھوڑ سکتے، سندھ کے لوگ کچرا پارٹی کی لوٹ مار سے عاجز آ چکے ہیں۔

(جاری ہے)

جمعہ کو یہاں اپنے ایک بیان میں انہوں نے کہا کہ نوازشریف کے سندھ کے کا میاب جلسوں سے سندھ کے حکمران بوکھلاہٹ کا شکار ہیں۔ معاون خصوصی نے کہا کہ جیکب آباد کے جلسے میں عوام کے نعرے سندھ کے حکمرانوں کی آنکھیں کھول دینے کیلئے کافی ہیں۔ انہوں نے کہا کہ نوازشریف 2018ء کے الیکشن کے بعد انشاء اللہ پھر وزیراعظم ہونگے۔