لوڈشیڈنگ پر قابو پانے کے لیے ٹوئٹرکا استعمال سیکھیں-مریم نواز

میاں محمد ندیم بدھ 12 اپریل 2017 11:45

لاہور(اردو پوائنٹ اخبارتازہ ترین-انٹرنیشنل پریس ایجنسی۔12اپریل۔2017ء) وزیراعظم نواز شریف کی صاحبزادی مریم نواز شریف نے لوڈ شیڈنگ کے حوالے سے ٹوئیٹر پر مہم شروع کردی ہے، اس حوالے سے انہوں نے سوشل میڈیا پر پیغام جاری کیا کہ جہاں زیادہ لوڈشیڈنگ ہورہی ہے تو ٹوئٹر پر آگاہ کریں۔تفصیلات کے مطابق مریم نواز شریف سماجی ویب سائٹ ٹوئٹر پر پیغام جاری کرتے ہوئے عوام سے کہا ہے کہ لوڈشیڈنگ سے نجات حاصل کرنی ہے تو ٹوئٹر کا استعمال سیکھیں۔

(جاری ہے)

مریم نواز نے بجلی کی لوڈشیڈنگ کی تفصیلات مانگ لیں اور عوام سے کہا ہے کہ اپنے علاقے میں لوڈ شیڈنگ کے حوالے سے انھیں آگاہ کریں، شکایت کنندہ اپنے شہر اور ضلع کا نام بھی ضرور لکھیں۔دوسری جانب مریم نواز کے سوال پر عوام کی جانب سے شدید ردعمل سامنے آیا ، عوام کا کہنا ہے کہ حکومت کے دعووں کے برعکس ان کے علاقوں میں بجلی کی شدید لوڈ شیڈنگ جاری ہے۔ملک میں گرمی کی شدت میں اضافہ ہوتے ہی لوڈشیڈنگ کا جن بھی بے قابو ہوگیا ہے اوربجلی کا شارٹ فال تجاوز کرتے ہوئے تین ہزار میگا واٹ تک پہنچ گیا ہے۔

Facebook Twitter Google + Share on Whatsapp

لوڈشیڈنگ پر قابو پانے کے لیے ٹوئٹرکا استعمال سیکھیں-مریم نواز

متعلقہ عنوان :

مزید اہم خبریں