ملتان، دومسافر بسوں میں تصادم ، 20افراد زخمی ،حادثے کے تین شدید زخمی تشویشناک حالت میں نشتراسپتال منتقل

منگل 11 اپریل 2017 16:09

ملتان(اُردو پوائنٹ اخبارتازہ ترین - آئی این پی۔ 11 اپریل2017ء) ملتان میں دومسافر بسوں کے درمیان تصادم کے نتیجے میں 20افراد زخمی ہوگئے ،زخمیوں میں تین کی حالت تشویشناک بتائی جارہی ہے،تفصیلات کے مطابق ملتان سے شجاع آباد جانے والی مسافربس اڈہ لاڑ چوک پر موڑ کاٹ رہی تھی کہ اس دوران بہاولپور جانے والی تیز رفتار بس سے بے قابو ہوکر ٹکراگئی،دونوںبسوں کے درمیان اس تصادم کے نتیجے میں 20افراد زخمی ہوگئے ،اطلاع ملنے پر ریسکیو1122کی ٹیمیں موقع پر پہنچیں اور زخمیوں کو مقامی اسپتال میں منتقل کیا ،جبکہ حادثے کے تین شدید زخمی افراد کو تشویشناک حالت کے پیش نظر نشتراسپتال منتقل کردیا گیا۔