کلبھوشن یادیو سے عالمی قوانین کے مطابق آخری خواہش بھی پوچھی جائے گی۔ میڈیا ذرائع

اسلام آباد (اُردو پوائنٹ تازہ ترین اخبار۔ 10 اپریل 2017ء): بھارتی خفیہ ایجنٹ کلبھوشن یادیو کو سزائے موت سنا دی گئی ہے ۔ کلبھوشن یادیو نے پاکستان میں بد امنی اور انتشار پھیلانے کا اعتراف کیا تھا۔کلبھوشن یادیو نے اعتراف کیا تھا کہ وہ بھارتی خفیہ ایجنسی را کے مشن پر تھا کہ پاکستان میں ساز ش کر کے اسے توڑا جائے ۔ اور پاکستان کے ناراض گروپ اور سیاسی جماعتوں کو مالی طور پر بھی بھر پور تعاون فراہم کیا جائے ۔

(جاری ہے)

میڈیا ذرائع کے مطابق کلبھوشن یادیو کی سزائے موت کا حکم جاری کر دیا گیا البتہ سزائے موت پر عملدرآمد رواں ہفتے یا آئندہ ہفتے متوقع ہے۔ سزائے موت پر عملدرآمد میں چند روز درکار ہوں گے۔ کلبھوشن یادیو سے بین الاقوامی قوانین کے تحت آخری خواہش پوچھی جائے گی اور اس خواہش کو پورا کرنے کے بھی کوشش کی جائے گی۔ ذرائع نے مزید بتایا کہ پھانسی سے قبل غیر مسلم ہونے کی وجہ سے کلبھوشن یادیو کواس کے مذہبی عقائد کے مطابق عبادت کرنے کے لیے وقت بھی دیا جائے گا۔