فاٹا پاکستان کا حصہ ہے لیکن قبائلی عوام ستر سال سے اپنے حقوق سے محروم ہیں‘سراج الحق
قبائلی عوام اور نوجوان مزید ایف سی آر کو ماننے اور پولیٹیکل انتظامیہ کے سامنے سر جھکانے کو تیار نہیں حکومت فوری طور پر فاٹا کو خیبر پختونخوا فاٹا میں ضم کرے ، قبائلیوں نے ایف سی آر کے خاتمے کے لئے قربانیاں دی ہیں
جمعہ 7 اپریل 2017 23:19
(جاری ہے)
جلسے سے جماعت اسلامی خیبر پختونخوا کے امیر مشتاق احمد خان ، جماعت اسلامی فاٹا کے امیر حاجی سردار خان، نائب امیر زرنور آفریدی، امیر جماعت اسلامی کے خصوصی مشیر برائے انسانی حقوق انتخاب خان چمکنی، جے آئی یوتھ فاٹا کے صدر شاہ جہان آفریدی، جماعت اسلامی خیبر ایجنسی کے امیر شاہ فیصل آفریدی سمیت دیگر قبائلی عمائدین اور ملکان نے بھی خطاب کیا۔
شمولیتی جلسے میں مراد ستوری خیل، سراج الدین، کاشف، حاجی گل محمد، ملک نصرت، گل نبی اور حاجی گل سمیت مختلف اقوام کے پانچ سو سے زائد عمائدین نے اپنے خاندان اور ساتھیوں سمیت جماعت اسلامی میں شمولیت کا اعلان کیا۔اس موقع پر سراج الحق نے جے آئی یوتھ کی نومنتخب کابینہ سے حلف بھی لیا۔ قبائلی ایف سی آر کی جگہ اللہ کے نظام کا نفاذ چاہتے ہیں،حالات کا تقاضا ہے کہ 2018ء کے انتخابات میں فاٹا کے عوام کو صوبائی اسمبلی میں نمائندگی دی جائے اور قومی اسمبلی میں کوٹہ بڑھایا جائے۔ہم چاہتے ہیں کہ ان اقدامات کے باعث فاٹا سے بھی کوئی وزیر اعلیٰ اور گورنربن سکے ۔سرتاج عزیز کمیشن کی سفارشات پر کیوں عملدرآمد نہیں کیا جارہا۔ حکومت بتائے کہ وہ کون سی طاقتیں ہیں جو قبائلی عوام کی ترقی کے پہئے کو روکنا چاہتے ہیں۔قبائلی نوجوان تعلیم اور روزگار سے محروم ہیں، حکومت قبائلی علاقوں میں انجنیئرنگ، میڈیکل اور ٹیکنیکل یونیورسٹیوں کے قیام سمیت خواتین کے لئے بھی تعلیمی ادارے بنائے تاکہ فاٹا کے نوجوان اور خواتین ترقی کے عمل میں پیچھے نہ رہ سکیں۔حکومت آئی پی پیز کی باعزت واپسی یقینی بنائے اور ان کی مردم شماری ان کے اپنے علاقوں میں کرائے تاکہ ان کا ووٹ کسی اور جگہ رجسٹر نہ ہو۔نادرا نے بلاوجہ قبائلیوں کے شناختی کارڈز بلاک کررکھے ہیں، اور اب اس وقت جب کہ مرددم شماری جاری ہے تو اس سے فاٹا کے عوام کے متاثر ہونے کا اندیشہ ہے۔وفاقی حکومت فوری طور پر نادرا کو قبائلیوں کے بلاک شناختی کارڈ کھولنے کا حکم دے تاکہ وہاں کے عوام بھی مردم شماری کے عمل میں شامل ہوسکیں۔ہم ملک سے سودی نظام کا خاتمہ چاہتے ہیں۔جب تک ملک میں سودی نظام رائج ہے ہماری جدوجہد جاری رہے گی۔سینٹر سراج الحق نے شمولیتی جلسے سے اپنے خطاب میں کہا کہ پولیٹیکل ایجنٹ قبائلیوں کے تنخواہ دار ملازم ہیں۔ قبائلی عوام ظالمانہ نظام اور پولیٹیکل انتظامیہ کے جبر سے تنگ آچکے ہیں۔ وہ اب اس نظام سے آزادی چاہتے ہیں۔ حکومت ایف سی آر کو ختم کرکے فاٹا کو خیبر پختونخوا میںفوری طور پر ضم کرنے کا اعلان کرے۔ انہوں نے کہا کہ ہم اس ملک میں اللہ کے نظام کا نفاذ چاہتے ہیں۔ انہوں نے کہا کہ ملک میں دہشت گردی پرویز مشرف کی غلط پالیسیوں کانتیجہ ہے،جب تک حکمران پرویز مشرف کی پالیسیوں کو جاری رکھیں گے دہشت،گردی کا خاتمہ ممکن نہیں،ہم چاہتے ہیں کہ افغانستان و پاکستان میں امن قائم ہو لیکن امن کے قیام کیلئے ضروری ہے کہ نیٹو افواج افغانستان سے نکلیں ،نیٹوافواج کی موجودگی میں خطے میں دہشت گردی کا خاتمہ نہیں ہوسکتا۔ انہوں نے کہا کہ انشاء اللہ ہم قائد اعظم محمد علی جنا ح کے اس وژن کو عملی جامہ پہنائیں گے اور اس ملک کو ایک اسلامی و فلاحی ریاست بناکر دم لیں گے ،انہوں نے کہا کہ میں دیکھ رہا ہوں کہ عوام کے تیور اب بدل چکے ہیں اوروہ آنے والے انتخابات کو کرپٹ اشرافیہ کیلئے یوم الحساب بنائینگے۔مزید اہم خبریں
-
آئی ایم ایف نے پاکستان کیلئے نئے پیکیج کی درخواست منظور کر لی
-
پی ٹی اے کا ضمنی الیکشن کے دوران موبائل فون اور انٹرنیٹ سروس معطل رکھنے کا اعلان
-
ہتھیارکنٹرول کے دعویدارخود کئی ممالک کو ملٹری ٹیکنالوجی فراہمی میں استثنیٰ دے چکے ہیں، پاکستان
-
دھاندلی کیخلاف بلوچستان کی سرزمین سے اٹھی تحریک ملک بھرمیں جائے گی
-
بتاؤ بلوچستان اسمبلی 80ارب روپے میں خریدی یا 100ارب روپے میں خریدی گئی؟
-
اطلاعات ہیں کہ آراوز سے بلینک فارم 45پر دستخط لے لئے گئے ہیں
-
وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
-
بانی پی ٹی آئی کا چیف جسٹس سپریم کورٹ فائزعیسی کے نام خط
-
ایک باپردہ گھریلو خاتون کو بیگناہ پابند سلاسل رکھا گیا ہے
-
ایکسپورٹ کنٹرول کے سیاسی استعمال کو مسترد کرتے ہیں، پاکستان کا امریکی اقدام پر ردعمل
-
دبئی میں سیلابی صورتحال کی وجہ مصنوعی بارش؟
-
ماہانہ 20 لاکھ روپے تک کی تنخواہ پر نئی تعیناتیوں کی راہ ہموار ہو گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.