پی ٹی آئی کی طرح الزامات کی سیاست نہیں کرتے ،ْ شیری رحمان

عمران خان بتائیں آرمی چیف سے ملاقات میں کیا بات ہوئی تھی ،پاناما کیس کے فیصلے کا انتظار کر رہے ہیں، امید ہے انصاف کا ترازو جھکے گا نہیں ،ْ میڈیاسے گفتگو

منگل 4 اپریل 2017 23:21

پی ٹی آئی کی طرح الزامات کی سیاست نہیں کرتے ،ْ شیری رحمان

سکھر(اُردو پوائنٹ اخبارتازہ ترین - این این آئی۔ 04 اپریل2017ء) پیپلز پارٹی کی رہنما شیری رحمان نے کہا ہے کہ پی ٹی آئی کی طرح الزامات کی سیاست نہیں کرتے ،ْعمران خان بتائیں کہ آرمی چیف سے ملاقات میں کیا بات ہوئی تھی۔

(جاری ہے)

میڈیا سے بات چیت کرتے ہوئے انہوں نے کہا کہ آصف زرداری اپنے اوپر لگائے گئے الزامات کا سامنا کرتے رہے ہیں۔شیری رحمان کا کہنا تھا کہ پیپلزپارٹی جم کر میدان میں آچکی ہے ،ْزرداری صاحب نے صوبوں کو اختیارات دیئے، وفاقی حکومت وہ اختیارات لے رہی ہے۔انہوں نے کہا کہ پیپلز پارٹی اب میدان میں آئی ہے ،ْ ہم انصاف مانگتے ہیں ،ْپاناما کیس کے فیصلے کا انتظار کر رہے ہیں، امید ہے انصاف کا ترازو جھکے گا نہیں۔