پشاور میٹرو بس منصوبے کی لاگت میں 20 ارب روپے کا اضافہ

محمد علی جمعرات 30 مارچ 2017 20:56

پشاور(اردوپوائنٹ اخبارتازہ ترین۔30مارچ2017ء) پشاور میٹرو بس منصوبے کی لاگت میں 20 ارب روپے کا اضافہ ہو گیا ہے۔ تفصیلات کے مطابق کچھ ماہ قبل خیبرپختونخواہ کی حکومت کی جانب سے صوبائی دارلخلافہ پشاور میں میٹرو بس منصوبے کے آغاز کا اعلان کیا گیا تھا۔ صوبائی حکومت کی جانب سے منصوبے کی لاگت 37 ارب روپے بتائی گئی تھی۔ تاہم اب منصوبے کی لاگت میں 20 ارب روپے کا اضافہ ہو گیا ہے۔

(جاری ہے)

منصوبے کے ڈیزائن کی حتمی منظوری کے بعد اس کے آغاز کی تیاریاں شروع کر دی گئی ہے۔ منصوبے کیلئے 50 ارب روپے ایشین ڈویلپمنٹ بین کی جانب سے جبکہ 7 ارب روپے صوبائی حکومت کی جانب سے دیے جائیں گے۔ منصوبے کے 26 کلومیٹر روٹ پر 32 اسٹیشنز اور 2 بس ڈپو تعمیر کیے جائیں گے۔ جبکہ لاہور، اسلام آباد اور ملتان میٹرو بس منصوبے کے برعکس پشاور میٹرو بس منصوبے میں 68 کلومیٹر طویل فیڈر بس سروس بھی شامل کی گئی ہے۔ منصوبے کیلئے 450 میٹرو بسیں اور 150 فیڈر بسیں استعمال کی جائیں گی۔

Facebook Twitter Google + Share on Whatsapp

پشاور میٹرو بس منصوبے کی لاگت میں 20 ارب روپے کا اضافہ

متعلقہ عنوان :

مزید اہم خبریں