پاکستان سے زیادہ کچھ بھی مقدم نہیں،وطن پہلے اور کوئی بھی فرد یا ادارہ بعد میں ہے،آرمی چیف

پاک فوج قومی سلامتی کے حوا لے سے اپناکرداراداکرتی رہے گی،بلوچ رجمنٹ کیساتھ میری خصوصی وابستگی ہے،میرے والدبھی بلوچ رجمنٹ میں افسرتھے،جنرل قمر جاوید باجوہ کی ایبٹ آباد میں بلوچ رجمنٹ سنٹرکے دورہ پر فوجی افسروں اورجوانوں سے خطاب آرمی چیف نے وطن کیلئے اپنی جانیں قربان کرنے والے بلوچ رجمنٹ کے شہدا کی یادگارپرپھول چڑھائے،آئی ایس پی آر

جمعرات 30 مارچ 2017 20:10

پاکستان سے زیادہ کچھ بھی مقدم نہیں،وطن پہلے اور کوئی بھی فرد یا ادارہ ..
راولپنڈی (اُردو پوائنٹ اخبارتازہ ترین - آئی این پی۔ 30 مارچ2017ء) آرمی چیف جنرل قمر جاوید باجوہ نے بہترپاکستان کے ویژن کے عزم کااعادہ کرتے ہوئے کہاکہ پاکستان سے زیادہ کچھ بھی اہم نہیں،وطن پہلے اور کوئی بھی فرد یا ادارہ بعد میں ہے، پاک فوج قومی سلامتی کے حوا لے سے اپناکرداراداکرتی رہے گی،بلوچ رجمنٹ کیساتھ میری خصوصی وابستگی ہے،میرے والدبھی بلوچ رجمنٹ میں افسرتھے۔

جمعرات کو پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے ایبٹ آباد میں بلوچ رجمنٹ سینٹرکا دورہ کیا ۔آرمی چیف نے وطن کے دفاع کیلئے اپنی جانیں قربان کرنے والے بلوچ رجمنٹ کے شہدا کو خراج عقیدت پیش کرنے کیلئے انکی یادگارپرپھول چڑھائے ۔جنرل قمر جاوید باجوہ نے کہاکہ مجھے بلوچوں کے گھر آکر خوشی اور فخر محسوس ہورہا ہے ۔

(جاری ہے)

بلوچ رجمنٹ کیساتھ میری خصوصی وابستگی ہے،میرے والدبھی بلوچ رجمنٹ میں افسرتھے۔آرمی چیف جنرل قمر جاوید باجوہ نے تربیتی مرکز میں افسروں اور ریکروٹس جن میں خیبرپختونخوا کے ایف سی اہلکار بھی شامل تھے سے گفتگو کی اور کہاکہ پاک فوج قومی سلامتی کے حوا لے سے اپناکرداراداکرتی رہے گی ۔آرمی چیف نے بہترپاکستان کے عزم کااعادہ کرتے ہوئے کہاکہ پاکستان سے زیادہ کچھ بھی اہم نہیں،وطن پہلے اور کوئی بھی فرد یا ادارہ بعد میں ہے ۔اس سے قبل بلوچ رجمنٹ سینٹر پہنچنے پر کور کمانڈر راولپنڈی لیفٹیننٹ جنرل ندیم رضا نے انکا استقبال کیا اس موقع پر کمانڈنٹ پاکستان ملٹری اکیڈمی میجر جنرل عبداللہ ڈوگر بھی موجود تھے ۔