ریسکیو1122ملتان کاتعلیمی اداروں میں شجرکاری سے متعلق آگاہی سیشن کاانعقاد

جمعرات 30 مارچ 2017 17:23

ملتان۔30 مارچ(اُردو پوائنٹ اخبارتازہ ترین - اے پی پی۔ 30 مارچ2017ء)پنجاب ایمرجنسی سروس ریسکیو1122ملتان نے شجرکاری مہم کے سلسلے میں شہرکے مختلف تعلیمی اداروں ،شجاع آباد اور جلالپور میں بھی شجرکاری سے متعلق آگاہی سیشن منعقد کئے اور پودے بھی لگائے۔ ڈسٹرکٹ ایمرجنسی آفیسر ریسکیو1122ملتان ڈاکٹر کلیم اللہ نے تحصیل ہیڈکوارٹرجلالپور پیروالہ میںایم ایس ڈاکٹر احسان باری سے شجرکاری مہم کے سلسلے میں ملاقات کی اور آگاہی سیشن بھی کیا۔

ڈاکٹر احسان باری نے ریسکیو 1122کی اس کاوش کی تعریف کی اور مل کر پودا بھی لگایا۔ شرکاء میںڈاکٹرز،ایمر جنسی آفیسر احمد کمال ،اسٹیشن کوارڈینٹر حامد محمود،ہسپتال کا پیرامیڈیکل سٹاف اور محمد قاسم فائرریسکیورشامل تھے۔

(جاری ہے)

ڈسٹرکٹ ایمرجنسی آفیسر ریسکیو1122ملتان ڈاکٹر کلیم اللہ نے تحصیل ہیڈ کورٹر ہسپتال جلالپور پیروالہ میں شجرکاری کے سلسلے میں منعقدہ آگاہی سیشن سے بات کرتے ہوئے کہا کہ درخت دھرتی کا حسن ہیں اور جہاں ماحول کی آلودگی میں کمی کرتے ہیں، وہاں گلوبل وارمنگ میں کمی میں بھی مددگار ثابت ہوتے ہیں،اس لئے ہمیں زیادہ سے زیادہ شجرکاری کرنی چاہیے،انہوں نے مزیدکہا کہ زمین پرپیداہونے والی تمام تبدیلیاںانسان کی پیداکردہ ہیں،زرعی زمین کم ہورہی ہے،درختوں کا کٹائو ہورہاہے،آبادی میں مسلسل اضافہ ہو رہاہے،پاور پلانٹس میں اضافہ کی وجہ سے فرنس آئل کا استعمال بڑھ رہاہے جو آلودگی میں اضافہ کی ایک بڑی وجہ ہے،لہذا اپنی زمین کو سرسبز اور اپنے ماحول کو صحت مندبنانے کیلئے ضروری ہے کہ ہم زیادہ سے زیادہ پودے لگائیں۔

Facebook Twitter Google + Share on Whatsapp

ریسکیو1122ملتان کاتعلیمی اداروں میں شجرکاری سے متعلق آگاہی سیشن کاانعقاد

مزید قومی خبریں