بھارت میں تعینات پاکستانی ہائی کمشنر عبدالباسط سمیت مختلف ممالک میں تعینات پاکستانی سفیروں کو تبدیل کرنے کا فیصلہ

وزارت خارجہ کے ایڈیشنل سیکریٹری ایڈمن افتخار عزیز کو ترکی میں سفیر تعینات کیا جائے گا ،ْ نجی ٹی وی

جمعرات 30 مارچ 2017 14:25

بھارت میں تعینات پاکستانی ہائی کمشنر عبدالباسط سمیت مختلف ممالک میں ..
اسلام آباد(اُردو پوائنٹ اخبارتازہ ترین - این این آئی۔ 30 مارچ2017ء) بھارت میں تعینات پاکستانی ہائی کمشنر عبدالباسط سمیت مختلف ممالک میں تعینات پاکستانی سفیروں کو تبدیل کرنے کا فیصلہ کیا گیا ہے۔

(جاری ہے)

نجی ٹی وی کے مطابق حکومت پاکستان نے مختلف ممالک میں تعینات پاکستانی سفیروں کو تبدیل کرنے کا فیصلہ کیا گیا بھارت میں تعینات پاکستانی ہائی کمشنر عبدالباسط کو تبدیل کر کے ترکی میں موجود سفیر سہیل محمود کو بھارت میں ہائی کمشنر تعینات کرنے کا فیصلہ کیا گیا وزارت خارجہ کے ایڈیشنل سیکریٹری ایڈمن افتخار عزیز کو ترکی میں سفیر تعینات کیا جائے گا۔

ذرائع کے مطابق برازیل میں موجود سفیر برہان الاسلام رواں برس ریٹائر ہو رہے ہیں اور ان کی جگہ جنوبی افریقا میں موجود نجم الثاقب کو برازیل میں سفیر لگایا جا رہا ہے ،ْ تھائی لینڈ میں سفیر ڈاکٹر سہیل خان کو ساوتھ افریقا بھیجنے کا فیصلہ کیا گیا ہے۔ ڈنمارک میں موجود سفیر مسرور احمد جونیجو جون میں ریٹائر ہو رہے ہیں جن کے متبادل کے طور پر ایڈیشنل سیکرٹری ایشیا پیسفک ذوالفقار گردیزی کو سفیر تعینات کیا جا رہا ہے۔

متعلقہ عنوان :