پیپلز پارٹی کسی کی جا گیر نہیں ہے یہ کارکنوں کی جما عت ہے، ذوالفقار علی بھٹو اور بے نظیر بھٹو شہید کے مشن کو چلاناکسی سیاسی مفاد پرست ٹولے کا کام نہیں، پی پی پی کے اصل وارث جیا لے ہیں کوئی اور نہیں، پیپلز پا رٹی کو ختم کرنے والے خود ختم ہو گئے لیکن پی پی پی کو ختم نہ کر سکے

پیپلز پارٹی ورکر گروپ کی سربراہ نا ہید خا ن کی میڈیا سے گفتگو

بدھ 29 مارچ 2017 20:49

اوکاڑہ (اُردو پوائنٹ اخبارتازہ ترین - آئی این پی۔ 29 مارچ2017ء) پاکستان پیپلز پارٹی ورکر گروپ کی سربراہ سابق وزیراعظم محترمہ بے نظیر بھٹو کی پو لیٹکل سیکرٹری نا ہید خا ن نے کہا ہے کہ پیپلز پارٹی کسی کی جا گیر نہیں ہے یہ کارکنوں کی جما عت ہے قائد عوام ذوالفقار علی بھٹو اور محترمہ بے نظیر بھٹو شہید کے مشن کو چلاناکسی سیاسی مفاد پرست ٹولے کا کام نہیں ہے پی پی پی کے اصل وارث جیا لے ہیں کوئی اور نہیں۔

وہ بدھ کو یہاں صحافیوں سے گفتگو کررہی تھیں،انہوں نے کہا کہ پیپلز پا رٹی کو ختم کرنے والے خود ختم ہو گئے لیکن پی پی پی کو ختم نہ کر سکے قائد عوام نے ہمیشہ عوام کی بات کی ہے سرمایہ داروں اور جاگیرداروںکی بات نہیں کی پاکستان کا 73آئین کا بھی سہراہ قائد عوام ذوالفقار علی بھٹو کو جاتا ہے جن کی وجہ سے آج ملک ِپاکستان کا قانون بنا لیکن کسی ڈکٹیٹر کے سامنے جھکنا پسند نہیں کیا ۔

(جاری ہے)

اٴْنہوں نے کہا کہ 4اپریل کوپاکستان پیپلز پارٹی ورکر گروپ اپنے قائد کی سالانہ برسی وحدت روڑپر عقیدت احترام سے منا ئی جائیگی جس میں پی پی پی کے جیالے بھرپور جزبہ سے شرکت کریں گے ایک سوال کا جواب دیتے ہوئے انہوں نے کہا کہ انشااللہ عنقریب مختلف اضلاح کا دورہ کریں گے اور جیالوں میں بھٹو شہید کی روح پھونکیں گے تاکہ جیالے اپنا مشن نا چھوڑیں۔