کراچی چیمبر آف کامرس اینڈ انڈسٹری میں ممبرشپ کی آخری تاریخ31 مارچ مقرر

بدھ 29 مارچ 2017 19:47

کراچی ۔ (اُردو پوائنٹ اخبارتازہ ترین - اے پی پی۔ 29 مارچ2017ء) کراچی چیمبرآف کامرس اینڈ انڈسٹری ( کے سی سی آئی) نے سالانہ ممبرشپ کی تجدید کے لئی بروز جمعہ ہاف ڈے کے باجود شام 5 بجے تک ممبرشپ کاؤنٹر کھلا رکھنے کا اعلان کیا ہے۔

(جاری ہے)

اعلامیہ کے مطابق جمعہ31 مارچ کو کراچی چیمبر میں صبح 9 بجے سے شام 5 بجے تک تجدید کی درخواستیں وصول کی جائیں گی تاہم جمعہ کو دوپہرساڑھے بارہ بجے سے ڈھائی بجے تک نماز جمعہ کا وقفہ رہے گا۔

ٹریڈ آرگنا ئزیشن ایکٹ 2013ء کے تحت کے سی سی آئی کی ممبرشپ کی تجدید کرانے کی آخری تاریخ 31 مارچ 2017ء مقرر ہے۔ کے سی سی آئی نے ممبران کو ہدایت کی ہے کہ وہ سال 2017-18 کے لئے اپنی سالانہ ممبرشپ کی تجدید مقررہ تاریخ تک کروالیں بصورت دیگر ان کی ممبر شپ منسوخ ہو جائے گی اور کراچی چیمبر کا ممبر بننے کے لئی انہیں ممبر شپ حاصل کرنے کے پورے عمل سے دوبارہ گزرنا ہوگا۔

Facebook Twitter Google + Share on Whatsapp

کراچی چیمبر آف کامرس اینڈ انڈسٹری میں ممبرشپ کی آخری تاریخ31 مارچ مقرر

متعلقہ عنوان :

مزید تجارتی خبریں