افغانستان نے طالبان اور دیگر عسکریت پسندوں کے بڑھتے اثرورسوخ پیش نظر اسپیشل فورسز کی تعداد بڑھانے کا فیصلہ کرلیا
ہماری کمانڈو فورسز کو مضبوط اور بہتر طور پر لیس کرنے کی ضرورت ہے، ہم نے اسپیشل فورسز کی تعداد 17000سے بڑھانے کا فیصلہ کیا ہے ،ترجمان افغان وزارت دفاع
بدھ 29 مارچ 2017 17:26
(جاری ہے)
وزیری نے مکمل تعداد بتانے سے گریز کرتے ہوئے کہا کہ آرمی کی سطح پر صرف اسپیشل ڈویڑن کی تعداد میں اضافہ کیا جائے گا۔
دوسری جانب تین افغان اور مغربی عہدیداروں نے نام ظاہر نہ کرنے کی شرط پر کہا کہ موجودہ منصوبہ بندی کے تحت اسپیشل فورسز کو دوگنا کردیا جائے گا اور حکومت فنڈنگ اور دیگر معاونت کے لیے بیرونی امداد کے لیے مذاکرات کررہی ہے۔نیٹو اتحاد کے ترجمان کیپٹن بل سیلون کا کہنا تھا کہ حالیہ مہینوں میں گزشتہ سال کی جنگ کے دوران کام آنے والے فوجیوں کے متبادل کے لیے توجہ مرکوز تھی۔سیلون نے کہا کہ 'افغان صدر اشرف غنی نے حال ہی میں جو تصور پیش کیا ہے اس کے مطابق سطح کو بلند کرنے میں کئی برس لگیں گی'۔انھوں نے مزید کہا کہ اسپیشل فورسز کی میڈیکل یونٹ، انٹیلی جینس، لوجسٹکس اور کمیونیکیشن کے ساتھ ساتھ مزید کمانڈوز کی تربیت بھی جاری ہے۔افغان آرمی کے اسپیشل آپریشن کا مرکز کابل سے باہر ہے جس کے لیے سپاہی پراعتماد ہیں کہ وہ کام کو سنبھال لیں گے۔اسپیشل فورسز کے ایک کمانڈر فواد کمال نے کہا کہ 'ہمارے آپریشنز میں اضافہ ہوا ہے لیکن ہم اپنی کوششوں کو بلا تعطل جاری رکھیں گی'۔کمانڈو کی تربیت حاصل کرنے والے محمد عارف نے کہا کہ 'ملک میں کمانڈوز اور اسپیشل فورسز کے اضافے کی اشد ضرورت ہے اور جس قدر وہ لیس ہوں گے تو وہ ملک کا دفاع اچھی طرح کرسکیں گی'۔افغانستان کے عالمی اتحادیوں نے اسپیشل فورسز کی کارکردگی کی تعریف کی ہے لیکن کام کے دباؤ پر تشویش کا بھی اظہار کیا گیا ہے۔افغانستان میں امریکا کے اعلیٰ کمانڈر جنرل جان نیکولسن نے سردیوں کے مہینوں میں فورسز کو مضبوط کرنے کے لیے منصوبوں پر بات کی تھی۔افغانستان میں امریکا کی کاؤنٹرٹیرارزم یونٹ کا ایک محدود گروپ القاعدہ اور اسلامک اسٹیسٹ (آئی ایس) جیسے مسلح گروہوں سے لڑنے میں مصروف ہے اور بعض اوقات افغان ایلیٹ یونٹ کے ساتھ بھی میدان میں کام کرتے ہیں۔نیکولسن نے کہا کہ جب امریکی صدر دونلڈ ٹرمپ، افغانستان کے حوالے سے اپنی پالیسی بنانے کا فیصلہ کریں تو انھیں گزشتہ 15 سالوں سے جاری شدید تنازعات کے پہاڑ کو ختم کرنے کے لیے افغان فورسز کی تیاری کے لیے مزید مشیروں کی ضرورت کو ذہن میں رکھنا ہوگا۔کانگریس کی ایک تنظیم سیگار کے مطابق ایک سال قبل 72 فی صد کے مقابلے میں دوسال کے دوران اکثر بین الاقوامی فوجیوں کے انخلا کے بعد افغان فورسز کا کنٹرول ملک کے صرف 57 فی صد خطے پر ہے۔افغانستان میں اپنی مدت پوری کرکے واپس جانے والے امریکی ترجمان برگیڈیئر جنرل چارلس کلیولینڈ کا کہنا تھا کہ افغان اسپیشل فورسز 'خطے کی بہترین فورس تھی لیکن سال کے اختتام پر انھیں پھیلا دیا گیا تھا اور انھیں بہت کام کرنے کو کہا گیا تھا'۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.