گوادر میں سرکاری ملازمین کی رہائشی اسکیم کیلئے تمام بنیادی ضروریات کی فراہمی اور پلاٹوں کے حصول کیلئے اقدامات اٹھائے جارہے ہیں

کوئٹہ (اُردو پوائنٹ اخبارتازہ ترین - آئی این پی۔ 28 مارچ2017ء) صوبائی سیکریٹری خزانہ اکبر حسین درانی نے کہا ہے کہ گوادر میں سرکاری ملازمین کی رہائشی اسکیم کے لئے تمام بنیادی ضروریات کی فراہمی اور بلوچستان میں تمام سرکاری ملازمین کو پلاٹ کے حصول کے لئے اقدامات اٹھائے جارہے ہیں۔ وہ منگل کو بلوچستان میں صوبائی ملازمین ہاؤسنگ اسکیم کی کمیٹی کے اجلاس کی صدارت کے دوران خطاب کر رہے تھے۔

(جاری ہے)

اجلاس میں سیکریٹری ایس اینڈ جی اے ڈی بلال احمد جمالی، سیکریٹری فشریز ارشد حسین بگٹی، ڈپٹی کمشنر گوادر طفیل احمد بلوچ، بلوچستان سیکریٹریٹ اسٹاف ایسوسی ایشن کے صدر امیزحمزہ نے شرکت کی۔ اجلاس میں ہاؤسنگ اسکیم سے متعلق اہم فیصلے کئے گئے جس میں ملازمین کو فارم کی فراہمی کے لئے مسلم کمرشل بینک کی خدمات حاصل کرنے کا اصولی فیصلہ بھی کیا گیا۔ اس موقع پر ڈپٹی کمشنر گوادر طفیل احمد بلوچ نے ہاؤسنگ اسکیم سے متعلق اجلاس کے شرکاء کو تفصیلی بریفنگ دی۔