وزیرخزانہ اور ایف بی آر نے آئندہ بجٹ میں بینک سے لین دین پر ودہولڈنگ ٹیکس کا نفاذ 50 ہزار روپے کی رقم سے بڑھا کر ایک لاکھ روپے کرنے پر آمادگی ظاہر کردی، گورنر اسٹیٹ بینک
اسٹیٹ بینک کو اگلے سال 5 فیصد جی ڈی پی گروتھ کی توقع ہے لیکن مرکزی بینک نے 7 فیصد ک مستحکم گروتھ کے حصول پر توجہ مرکوز کی ہوئی ہے جس سے یقینی طور پر روزگار کے مواقع پیدا ہوں گے، اشرف وتھرا وفاقی حکومت نے ایکسپورٹ کریڈٹ بڑھانے اور ایکسپورٹرز کی کاروباری لاگت کم کرنے کے لئے ایگزم بینک قائم کیا تاکہ درآمدکنندگان کو ایکسپورٹ کریڈٹ گارنٹی اورانشورنس کی سہولتوں کے ذریعے خطرات کم کرنے میں ان کی مدد کی جاسکے ،کراچی چیمبر آف کامرس اینڈ انڈسٹری کے دورے کے موقع پر گفتگو
منگل 28 مارچ 2017 21:43
(جاری ہے)
انہوں نے بتایا کہ اسٹیٹ بینک کی حکمت عملی میں ایس ایم ای فنانس کے حوالے سے دو پہلوؤں پر توجہ مرکوز کی ہوئی ہے جس فعال ریگیولٹری ماحول اورمارکیٹ کی ترقی شامل ہیں ۔نجی شعبے کے مجموعی قرضے کا 7 فیصد ایس ایم ایز فنانس پر استعمال کیا جاتا ہے جسے 2020 تک 15 فیصد تک بڑھانے کی ضرورت ہے۔
یہ آسان ہدف نہیں لہٰذا تمام اسٹیک ہولڈرز کو اس ضمن میں مشترکہ کوششیں کرنی چاہیے اور اس سلسلے میں ہم نے عملی اقدامات کا آغاز کردیا ہے ۔انہوں نے کہاکہ وفاقی حکومت نے ایکسپورٹ کریڈٹ بڑھانے اور ایکسپورٹرز کی کاروباری لاگت کم کرنے کے لئے ایگزم بینک قائم کیا ہے تاکہ درآمدکنندگان کو ایکسپورٹ کریڈٹ گارنٹی اورانشورنس کی سہولتوں کے ذریعے خطرات کم کرنے میں ان کی مدد کی جاسکے ۔اس ضمن میں ایشین ڈیولپمنٹ بینک سے تیکنیکی مددطلب کی گئی ہے اور اس سلسلے میں بات چیت ایڈوانس مراحل پرہے جبکہ حکومت نے بینک کے چیف ایگزیکٹیو آفیسر کی تقرری کے لیے اشتہار بھی مشتہر کیا۔اس موقع پر چیئرمین بزنس مین گروپ( بی ایم جی) و سابق صدر کراچی چیمبرآف کامرس سراج قاسم تیلی،وائس چیئرمین بی ایم جی طاہر خالق،انجم نثار، کے سی سی آئی کے صدر شمیم احمد فرپو،سینئر نائب صدر آصف نثار،نائب صدر محمد یونس سومرو، چیئرمین بینکنگ و انشورنس سب کمیٹی عاطف جمیل الرحمان، سابق صدر اے کیو خلیل اور منیجنگ کمیٹی کے اراکین بھی موجود تھے۔اس موقع پر چیئرمین بزنس مین گروپ( بی ایم جی) و سابق صدر کراچی چیمبرآف کامرس سراج قاسم تیلی نے آج کل زیربحث ’’ پاناما لیکس‘‘ کا حوالہ دیتے ہوئے کہا کہ پاناما لیکس میں کئی بڑے نام بے نقاب ہوئے جن پر یہ الزام عائد ہواکہ انھوں نے غیر قانونی طریقے سے رقوم بیرون ملک بھیجیں لیکن دلچسپ امر یہ ہے کہ ان سبھی کا یہ دعویٰ ہے کہ انہوں نے قانونی طریقے سے رقوم بیرون ملک منتقل کی جس سے یہ بات ظاہر ہوتی ہے قانونی طریقے سے فنڈز کی بیرون ملک منتقلی کے حوالے سے متعلقہ قوائد موجود ہیں پر نہ تو عام آدمی اور نہ ہی بزنس مین ایسے قوانین سے واقف ہیں ۔انہوں نے قانونی طریقے سے رقوم بیرون ملک منتقلی کے حوالے سے آگاہی فراہم کرنے کے لیے ایک منظم نظام وضع کرنے پر زور دیتے ہوئے کہاکہ اگر کوئی سرمایہ کاری یا کسی اور مقصد کے لیے رقوم بیرون ملک منتقل کرنا چاہتا ہے اور رقوم منتقل کرنے سے متعلق قواعد بھی موجودہیں تو عوام میں پائے جانے والے ابہام کو دور کرنے کے لیے ان کی تشہیر کی جانی چاہیے۔چیئرمین بی ایم جی نے اسٹیٹ بینک کو مشورہ دیا کہ وہ تاجر برادری اور دیگر کی جانب سے بھیجی گئی بیرون ملک ترسیلات زر کی درجہ بندی کرتے ہوئے واضح تشریح بیان کرے کیونکہ تاجروں اور دیگر کی جانب سے رقوم کی منتقلی میںواضع فرق ہے۔ اگرچہ تاجر برادری بھی انکم ٹیکس کی ادائیگی کے بغیر رقوم بیرون ملک منتقل کرتی ہے جو ایک غیر قانونی عمل ہے تاہم تاجربرادری کی منتقل کردہ رقوم ان کی اپنے کاروبار سے کمائی ہوئی ہے جبکہ دیگر کی جانب سے منتقل کی جانے والی رقوم یا چرائی ہوئی یا پھر کرپشن کرکے حاصل کی گئی ہوتی ہے۔انہوں نے وضاحت کرتے ہوئے کہاکہ بعض تاجر سرمایہ کاری کے مقصد کے تحت یا پھر پاکستان میں غیر یقینی حالات کے پیش نظر اپنی رقوم کو محفوظ رکھنے اور بیک اپ کے لیے منتقل کرتے ہیں۔انہوں نے ایمنسٹی اسکیم کاذکر کرتے ہوئے کہاکہ کوئی بھی ایمنسٹی اسکیم بھروسے کے فقدان کی وجہ سے رقوم واپس پاکستان لانے میں مددگار ثابت نہ ہوسکی۔ایمنسٹی اسکیم ذاتی دلچسپی سے بالاتر ہو کر آئین کے فرسٹ شیڈول کے تحت متعارف ہونی چاہئے تاکہ وہ ناقابل واپسی ہو لیکن اس کے نتیجے میںبھی کچھ رقوم ہی ملک میں واپس لانے میں مدد ملے گی ورنہ اس طرح کی ایمنسٹی اسکیمیں مطلوبہ نتائج حاصل کرنے میں ہمیشہ ناکام ہی رہی ہیں۔ایمنسٹی اسکیمیں ایماندار ٹیکس گزاروں کے لیے سراسر انصافی کے مترادف ہے جو ایمانداری اور قانونی طریقے سے کماتے ہیں اور تمام ٹیکس ادا کرتے ہیں۔انہوں نے کہاکہ اگرچہ دوسروں کے مقابلے میںتاجربرادری کے بیرون ملک بینک اکاؤنٹس زیادہ ہو سکتے ہیں لیکن تاجربرادری کے اکاؤنٹس میں دیگر کی جانب سے لوٹی گئی رقوم کی نسبت فنڈز بہت کم ہی ہوں گے۔ اگر تاجربرادری کے 85بینک اکاؤنٹس کا جائزہ لیا جائے اور صرف15 دیگر اکاؤنٹس سے موازنہ کیاجائے تو تاجروں کے مقابلے میں ان 15اکائونٹس کے مجموعی فنڈز زیادہ ہوں گے۔قبل ازیں کے سی سی آئی کے صدر شمیم احمد فرپو نے بعض اشیاء کی درآمد کے لیے ایل سی کھلوانے اور سودے طے کرنے کے لیے 100فیصد مارجن ڈپازٹ کی پابندی سے تاجروصنعتکار برادری کو درپیش مشکلا ت کا ذکر کرتے ہوئے کہاکہ اس فیصلے پر نظر ثانی کی ضرورت ہے کیونکہ اس اقدام سے اسمگلنگ بڑھے گی اور اشیاء کی قیمتوںمیں اضافہ ہوگا جس سے نہ صرف متعلقہ تاجر متاثر ہوں گے بلکہ عوام بھی متاثر ہوگی۔چند اشیاء کے سواء تما آئٹمز پاکستان بھر کے ہر گھر میں استعمال ہوتے ہیں۔شمیم فرپو نے زرمبادلہ کے ذخائر میں کمی سے نمٹنے کے لیے سازگار ماحول کے قیام اور کاروباری لاگت میں کمی کے اقدامات پر زور دیا۔انہوں نے کہاکہ اسٹیٹ بینک مینوفیکچررز کی مالی اعانت میں آسانی یقینی بناتے ہوئے حوصلہ افزائی کرے۔#متعلقہ عنوان :
مزید اہم خبریں
-
ام المومنین حضرت خدیجة الکبریٰ ؓ کا یوم وصال 10رمضان المبارک بمطابق 21 مارچ کو عقیدت و احترام سے منایا جائے گا
-
ویوو نے بہترین پوٹریٹ فوٹوگرافی اور دلکش ڈیزائن کا حامل V30 5G پاکستان میں متعارف کردیا
-
’مئی جون تک نئی سیاسی جماعت آجائے گی‘ شاہد خاقان عباسی کا اعلان
-
حسن اور حسین نواز کی بریت سے متعلق فیصلہ محفوظ
-
ہمارے شہداءکے قاتل افغانستان میں ہوں تو پھر کارروائی کا حق رکھتے ہیں،خواجہ آصف
-
کراچی سے فورسز پر حملوں میں ملوث دہشت گرد گرفتار
-
پاکستان میں ہونے والے حملے میں جانی نقصان پر افسوس ہے،ترجمان امریکی محکمہ خارجہ
-
بجلی 5روپے مہنگی کرنے کی درخواست نیپرا میں جمع
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.