محکمہ موسمیات کی کراچی میں گرمی کی لہرکے پیش نظر حفاظتی اقدامات کی ہدایت

گلوبل وارمنگ کی وجہ سے دنیا کے مختلف ممالک میں گرمی کی شدت بھی بڑھ رہی ہے ،ْ عبد الرشید

منگل 28 مارچ 2017 14:04

محکمہ موسمیات کی کراچی میں گرمی کی لہرکے پیش نظر حفاظتی اقدامات کی ..
کراچی(اُردو پوائنٹ اخبارتازہ ترین - این این آئی۔ 28 مارچ2017ء) محکمہ موسمیات کے قائم مقام چیف میٹرولوجسٹ عبدالرشید نے کہا ہے کہ کراچی میں اپریل سے گرمی میں مزید اضافہ ہوگا لہٰذا متعلقہ ادارے اور شہری ہیٹ ویوز کے پیش نظر حفاظتی اقدامات کریں۔میڈیا رپورٹ کے مطابق محکمہ موسمیات کے قائم مقام چیف میٹرولوجسٹ عبدالرشید نے کہا کہ کراچی میں 2015 میں ہیٹ ویوز کی لہر میں کئی ہلاکتیں ہوئیں لہٰذا متعلقہ اداروں کو پیشگی منصوبہ بندی تیار کرلینی چاہیے۔

(جاری ہے)

انہوں نے کہا کہ گلوبل وارمنگ کی وجہ سے دنیا کے مختلف ممالک میں گرمی کی شدت بھی بڑھ رہی ہے۔چیف میٹرولوجسٹ نے کہا کہ کراچی میں یکم اپریل سے درجہ حرارت میں اضافہ ہوگا اور مئی جون میں گرمی اپنے عروج پر ہوگی، اس دوران محکمہ موسمیات موسم گرما میں ہونے والی تبدیلیوں پر کڑی نظر رکھے گا ،ْاگر ہیٹ ویوز کا امکان ہوا تو محکمہ موسمیات کی جانب سے تین روز قبل الرٹ جاری کردیا جائے گا تاکہ متعلقہ ادارے اور شہری حفاظتی اقدامات کرلیں۔

متعلقہ عنوان :