پاکستان کو اپنی سرحدیں محفوظ بنانے کا مکمل اختیار ہے،ہمیں اعتراض نہیں، امریکہ

پاکستان انتہا پسندی اور دہشت گردی کی کارروائیوں کو روکنے، سرحدوں پر نگرانی کے نظام کو بہتر بنانے کے لئے باڑ لگا رہا ہے،ترجمان محکمہ خارجہ

منگل 28 مارچ 2017 13:21

پاکستان کو اپنی سرحدیں محفوظ بنانے کا مکمل اختیار ہے،ہمیں اعتراض نہیں، ..
واشنگٹن(اُردو پوائنٹ اخبارتازہ ترین - این این آئی۔ 28 مارچ2017ء) امریکانے کہاہے کہ پاکستان کو اپنی سرحدوں کو محفوظ بنانے کا پورا اختیار ہے، امریکہ کو پاکستان افغانستان سرحد پر باڑ لگانے پر کوئی اعتراض نہیں ہے۔ پاکستان انتہا پسندی اور دہشت گردی کی کارروائیوں کو روکنے، سرحدوں پر نگرانی کے نظام کو بہتر بنانے کے لئے باڑ لگا رہا ہے۔ امریکہ چاہتا ہے کہ دونوں ہمسایہ ممالک پائے جانے والے تنائو کو مذاکرات کے ذریعے کم کریں۔

(جاری ہے)

میڈیارپورٹس کے مطابق ترجمان امریکی دفتر خارجہ نے اپنے بیان میں کہا کہ پاکستان نے امریکہ اور افغانستان کو بتایا ہے کہ سرحد پر باڑ لگانے کا مقصد امن کے قیام کویقینی بناناہے نہ کہ افغانستان کے خلاف ہے۔ ترجمان نے مزید کہا کہ حالات میں بہتری آنے کے بعد دونوں ممالک کے تعلقات میں مضبوطی آئے گی۔ اس سے پہلے افغان وزارت داخلہ کے نائب ترجمان نجیب دانش نے باڑ لگانے کے عمل کو ناقابل قبول قرار دیا جبکہ گزشتہ ہفتہ کو پاک آرمی کے سربراہ جنرل باجوہ نے باڑ لگانے کے کام کو شروع کرنے کا اعلان کیا تھا۔ جنرل باجوہ کا کہنا تھا کہ باڑ سرحد کو محفوظ بنانے کے لئے لگائی جارہی ہے۔

متعلقہ عنوان :