تربیلا ڈیم میں پانی کی آمد میں اضافہ سے پانی سطح چار فٹ تک بلند

پیر 27 مارچ 2017 22:35

ہری پور۔ (اُردو پوائنٹ اخبارتازہ ترین - اے پی پی۔ 27 مارچ2017ء) تربیلا ڈیم میں پانی کی آمد میں اضافہ سے ڈیم میں پانی کی سطح چار فٹ تک بلند ہو گئی۔

(جاری ہے)

تفصیلات کے مطابق تربیلا ڈیم کے ذرائع نے بتایا کہ ڈیم میں پانی کی آمد میں اضافہ ہو رہا ہے جس کی وجہ سے پانی کی سطح ڈیڈ لیول1380.85 فٹ سے چار فٹ تک بلند ہو گئی ہے، اب ڈیم میں پانی کی سطح بلند ہو کر 1384.56 فٹ پر پہنچ گئی ہے، ڈیم میں پانی کی آمد بڑھ کر 22 ہزار 300 کیوسک اور پانی کا اخراج 20 ہزار کیوسک ہے۔ تربیلا بجلی گھر میں بجلی کی موجودہ صورت حال کے حوالہ سے بتایا گیا کہ تربیلا بجلی گھر میں بجلی کی پیداور 427 میگاواٹ ہے، بجلی گھر کے 6 پیداوار ی یونٹ بجلی پیدا کر رہے ہیں جبکہ 8 بند ہیں۔