وزیراعظم نواز شریف کا حیدرآباد کیلئے خصوصی ترقیاتی پیکیج کا اعلان

میئر اور ڈپٹی میئر کو 50کروڑ روپے ، حیدرآباد کے عوام کے لئے وزیراعظم ہیلتھ کارڈ سکیم شروع کرنے، یونیورسٹی کے قیام ،اس کیلئے ایک ارب روپے دیئے جائینگے ، میٹرو بس چلا ئی اورحیدرآباد ہوائی اڈے کو بین الاقوامی معیار کا ایئرپورٹ بنایاجائیگا

پیر 27 مارچ 2017 21:47

وزیراعظم نواز شریف کا حیدرآباد کیلئے خصوصی ترقیاتی پیکیج کا اعلان
حیدرآباد(اُردو پوائنٹ اخبارتازہ ترین - آئی این پی۔ 27 مارچ2017ء) وزیراعظم نواز شریف نے حیدرآباد کے میئر اور ڈپٹی میئر کے لئے 50 کروڑ روپے کے اجراء ، حیدرآباد کے عوام کے لئے وزیراعظم ہیلتھ کارڈ سکیم شروع کرنے، یونیورسٹی کے قیام ،اس کے لئے ایک ارب روپے دینے ،علاقے میں میٹرو بس چلانے اورحیدرآباد ہوائی اڈاے کو بین الاقوامی معیار کا ایئرپورٹ بنانے کا اعلان کرتے ہوئے کہاکہ ہیلتھ کارڈ کا دائرہ پورے ملک میں پھیلایا جارہا ہے تاکہ غریب کو علاج معالجے کے لیے اپنے گھر نہ بیچنے پڑیں اور وہ قرض میں نہ ڈوبیں۔

پیر کو یہاں مسلم لیگ (ن) ورکرز کنونشن سے خطاب کے دوران وزیراعظم نواز شریف نے حیدرآباد کے میئر اور ڈپٹی میئر کے لئے 50 کروڑ روپے جاری کرنے کا اعلان کیا اور حیدرآباد کے عوام کو ہیلتھ کارڈ اور میٹرو بس کی خوشخبری سنائی۔

(جاری ہے)

انہوں نے کہا کہ ہیلتھ کارڈ کا دائرہ پورے ملک میں پھیلایا جارہا ہے تاکہ غریب کو علاج معالجے کے لیے اپنے گھر نہ بیچنے پڑیں اور وہ قرض میں نہ ڈوبیں۔

انہوں نے کہا کہ جلد ہیلتھ کارڈ پروگرام کی سربراہ مریم نواز حیدرآباد آئیں گی اور اپنے ہاتھوں سے لوگوں میں ہیلتھ کارڈ تقسیم کریں گی۔وزیراعظم نے حیدرآباد میں یونیورسٹی کے قیام کا بھی اعلان کیا اور کہا کہ جلد ہی اس کا سنگ بنیاد رکھ دیا جائے گا جبکہ یونیورسٹی کے لیے فوری طور پر 100 کروڑ روپے دینے کا اعلان کیا۔وزیراعظم نواز شریف نے حیدرآباد میں بین الاقوامی معیار کا ایئرپورٹ قائم کرنے کا بھی اعلان کیا۔

انہوں نے کہا کہ جن کارکنان کو پنڈال میں جگہ نہیں مل سکی ان سے معذرت کرتاہوں، حیدرآباد دوبارہ آں گا، کارکنان سے دل کی باتیں کروں گا، دل کی گہرائیوں سے کارکنان کوسلام پیش کرتاہوں، کارکنان کے جوش وجذبے کی تعریف کیلئے الفاظ نہیں۔وزیراعظم نے کہا کہ عوام کو چاہیے کہ جب کوئی ان سے ووٹ مانگنے آئے تو وہ ان سے پوچھیں کہ ووٹ کس بنیاد پر مانگا جارہا ہی ۔