رن وے کو محفوظ بنانے کے لیے 6 رکنی کمیٹی قائم

ماحولیاتی کمیٹی کا قیام نیشنل ائیرفیلڈ کلیئرنس اور کنٹرول آف نیشنل گروتھ کے تحت عمل میں لایا گیا ہے، ذرائع سول ایوی ایشن

پیر 27 مارچ 2017 13:34

رن وے کو محفوظ بنانے کے لیے 6 رکنی کمیٹی قائم
کراچی (اُردو پوائنٹ اخبارتازہ ترین - این این آئی۔ 27 مارچ2017ء)قائد اعظم انٹرنیشنل ائیرپورٹ پر طیاروں سے پرندوں کے ٹکرانے اور لیزر بیم کے واقعات میں اضافے کے بعد سول ایوی ایشن نے 6رکنی کمیٹی کے قیام کا فیصلہ کیاہے۔ذرائع کے مطابق طیاروں سے پرندوں کے ٹکرانے اور قریبی عمارتوں سے لیزر لائٹ مارنے کے واقعات میں اضافے کے بعد ائیرپورٹ انتظامیہ نے 6 رکنی ماحولیاتی کمیٹی بنانے کا فیصلہ کیا ہے۔

ائیرپورٹ انتظامیہ کے فیصلے کے مطابق سول ایوی ایشن کی اس کمیٹی میں مقامی انتظامیہ اور بلڈنگ کنٹرول اتھارٹی کے نمائندوں کا شامل کیا جائے گا اور یہ کمیٹی متعلقہ ائیرپورٹ منیجر کی سربراہی میں کام کرے گی۔لیزر بیم زون پر عملدرآمد اور رن وے کو جنگلی جانوروں سے محفوظ بنانے کے لیے کمیٹی کے اراکین اپنی سفارشات پیش کریں گے تاکہ پروازوں کو کسی بھی حادثاے سے بچایا جاسکے۔

(جاری ہے)

ماحولیاتی (انوائرمینٹل)کمیٹی کا قیام نیشنل ائیرفیلڈ کلیئرنس اور کنٹرول آف نیشنل گروتھ کے تحت عمل میں لایا گیا ہے، کمیٹی کو فعال اور مضبوط بنانے کے لیے سینئرجوائنٹ ڈائریکٹر اسٹیٹ کمیٹی، سنیئر جوائنٹ ڈائریکٹر لیگ کمیٹی کے اراکین کو بھی شامل کیا گیا ہے۔ذرائع نے اس بات کی تصدیق کی کہ پانچ سال کے دوران پرازوں سے پرندے ٹکرانے کے واقعات اور طیاروں پر لیزر لائٹ ڈالنے کے واقعات میں اضافہ دیکھنے میں آیا ہے، 2011 سے 2016 تک 3 سو سے زائد پروازوں سے پرنڈے ٹکرا چکے ہیں