جزیرہ سینائے میں حملے کی منصوبہ بندی کرنے والے آٹھ داعشی ہلاک

22 مشتبہ عسکریت پسندگرفتار، کئی گاڑیوں اور دیگر سامان کو تباہ کیا گیا ،ترجمان مصری فوج

پیر 27 مارچ 2017 12:41

جزیرہ سینائے میں حملے کی منصوبہ بندی کرنے والے آٹھ داعشی ہلاک
قاہرہ (اُردو پوائنٹ اخبارتازہ ترین - این این آئی۔ 27 مارچ2017ء) مصری فوج نے فلسطین کے علاقے غزہ کے سرحدی علاقے رفح کے قریب جزیرہ نما سیناء میں گھات لگا کر فوج پر حملے کرنے کی منصوبہ بندی کرنے والے داعش کے آٹھ دہشت گرد ہلاک کردیے۔میڈیارپورٹس کے مطابق مصری فوج کے ترجمان کرنل تامر الرفاعی نے ایک بیان میں بتایا کہ سیکیورٹی فورسز کا جزیرہ نما سیناء میں دہشت گردوں کے خلاف آپریشن جاری ہے۔

(جاری ہے)

گذشتہ روز فورسز نے دہشت گردوں کے ایک گروپ کو اس وقت نشانہ بنایا جب وہ گھات لگا کر فوج پر حملے کی منصوبہ بندی کررہے تھے۔انہوں نے بتایا کہ جزیرہ نما سیناء میں دہشت گردی کی منصوبہ بندی کرنے والے آٹھ داعشی دہشت گردوں کو ہلاک اور ان کی کئی گاڑیوں اور دیگر سامان کو تباہ کیا گیا ہے۔کرنل رفاعی نے بتایا کہ تازہ آپریشن کے دوران جزیرہ نما سیناء سے 22 مشتبہ عسکریت پسندوں کو حراست میں لیا گیا۔ گرفتار کیے گئے دہشت گرد رفح اور العریش شہروں میں دہشت گردی کی منصوبہ بندی کررہے تھے۔

متعلقہ عنوان :