حکومت بین الاقوامی معیار کے مطابق ہائوسنگ سیکٹرز کی تعمیر کیلئے سی ڈی اے کو مکمل معاونت فراہم کریگی ،ْوزیر خزانہ

اسلام آباد (اُردو پوائنٹ اخبارتازہ ترین - این این آئی۔ 26 مارچ2017ء) وفاقی وزیر خزانہ اسحاق ڈار نے کہا ہے کہ حکومت بین الاقوامی معیار کے مطابق ہائوسنگ سیکٹرز کی تعمیر کیلئے سی ڈی اے کو مکمل معاونت فراہم کریگی ،ْتفصیلی تکنیکی جائزوں کے بعد نئے سیکٹروں کی ترقی کیلئے مختلف آپشنز کو ترجیح دینا چاہیے۔وہ اتوار کو یہاںسی ڈی اے کی جانب سے اوورسیز پاکستانیز کیلئے مجوزہ سیکٹر سمیت نئے سیکٹروں کی ترقی سے متعلق وفاقی انتظامیہ ،ترقیاتی ڈویژن(کیڈ) اور سی ڈی اے کے سینئر حکام کے اجلاس کی صدرات کر رہے تھے۔

وزیر کیڈ طارق فضل چوہدری بھی اس موقع پر موجود تھے۔اسحاق دار نے کہا کہ حکومت سی ڈی اے کو نئے سیکٹرز کی تعمیر کیلئے مکمل معاونت فراہم کریگی۔بیرون ملک مقیم پاکستانی ملک میں سرمایہ کاری کے پر کشش مواقعوں سے فائدہ اٹھانا چاہتے ہیں۔

(جاری ہے)

انہوں نے کہا کہ سرمایہ کاری کے حوالے سے سہولیات فراہم کرنیکی ضرورت ہے۔اجلاس میں سی ڈی اے کے نئے سیکٹرز اور تجارتی مراکز کی تعمیر کیلئے منصوبوں پر بریفنگ دی گئی۔

اسحاق ڈار نے کہا کہ حکومت بین الاقوامی معیار کے مطابق نئے سیکٹرز کی تعمیر میں سی ڈی اے کو مکمل معاونت فراہم کریگی۔وزیر کیڈ طارق فضل چوہدری نے کہا کہ نئے سیکٹرز کی تعمیر اہم اقدام ہے اور اس پر تیزی سے عملدرآمد ضروری ہے۔اسلام آباد کے میئر نے یقین دہانی کرائی کہ سی ڈی اے ابتدائی کام مکمل کر کے نئے سیکٹرز کی تعمیر کیلئے تفصیلی پریزنٹیشن تیار کریگی۔