بھارت کا امریکا ، چین ، امارات کے ساتھ مشترکہ فوجی مشقوں کااعلان

مشقوں کے ذریعے فوجی تجربات کا تبادلہ ، تربیت ، سیمیناروں ، ورکشاپوں اور دیگر سرگرمیوں کا انعقاد کیا جائے گا،بھارتی وزیر دفاع

اتوار 26 مارچ 2017 14:30

نئی دہلی(اُردو پوائنٹ اخبارتازہ ترین - آئی این پی۔ 26 مارچ2017ء) بھارت نے امریکا ، چین اور متحدہ عرب امارات سمیت کئی ممالک کے ساتھ مشترکہ فوجی مشقوں کا اعلان کردیا ۔

(جاری ہے)

بھارتی میڈیا کے مطابق وزیر دفاع سبھاش بہامری نے پارلیمنٹ کو بتایا کہ رواں سال آسٹریلیا ، بنگلہ دیش ، چین ، فرانس ، انڈونیشیا ، قازقستان ،کرغزستان ، ملائشیا ، مالدیپ ، منگولیا ، نیپال ، روس ، سری لنکا ، تھائی لینڈ ، متحدہ عرب امارات اور امریکا کے ساتھ مشترکہ فوجی مشقیں کی جائیں گی ۔ انہوں نے مشقوں کے ذریعے فوجی تجربات کا تبادلہ ، تربیت ، سیمیناروں ، ورکشاپوں اور دیگر سرگرمیوں کا انعقاد کیا جائے گا ۔ انہوں نے کہا کہ ان مشقوں کا مقصد مذکورہ ممالک کے ساتھ دوطرفہ دفاعی تعاون کو بڑھانا ہے۔