وزیر اعظم نواز شریف27مارچ کوحیدرآباد آئیں،جہاں وہ ورکرز کنونشن سے خطاب کریں گے،سنیٹرنہال ہاشمی
آصف زرداری اور پیپلز پارٹی دوسرے لوگ خوفزدہ ہیں جو کام انھوں نے کرنے تھے وہ وزیر اعظم نواز شریف اور مسلم لیگ ن کر رہی ہے، پریس کانفرنس
ہفتہ 25 مارچ 2017 22:08
(جاری ہے)
سنیٹر نہال ہاشمی نے مزید کہا کہ آصف علی زرداری اور پیپلز پارٹی دوسرے لوگ خوفزدہ ہیں جو کام انھوں نے کرنے تھے وہ وزیر اعظم نواز شریف اور مسلم لیگ ن کر رہی ہے ، کراچی سمیت پورے سندھ میںمسلم لیگ ن نے بڑے بڑے ترقیاتی پروجیکٹ دیئے ہیں، پچیس سالوں سے کراچی میں جاری امن و امان کی خراب صورتحال کو ہماری حکومت نے آکر بہتر بنایا، آج کراچی شہر میں مکمل طور پر امن ہے ،اب 19سال کے بعد ملک میں مردم شماری ہونے جارہی ہے اور مردم شماری کامیاب ہوگئی تو پیپلز پارٹی والوں کو نظر آرہا ہے کہ آئندہ کا سندھ کا وزیر اعلی مسلم لیگ ن کا ہوگا۔
انھوں نے کہا کہ کچھ لوگ آج بھی مودی سے اپیلیں کر رہے ہیں، جو لوگ ایسی باتیں کررہے ہیں وہ لندن میں لاوارث ہیں ان کا اب پاکستان میں کوئی وارث نہیں اس لئے انھیں چاہئے کہ وہ موودی کے پاس جائیں، الطاف حسین اردو بولنے والوں اور سندھی بولنے والوں کے دشمن ہیں ، انھوں نے کہا کہ پیپلز پارٹی نے ایک غیر سیاسی آدمی کو جس جگہ پر پہنچایا ہے وہ سب کے سامنے ہے، کرپشن اور کمیشن کی وجہ سے سندھ کا برا حال ہے ، کراچی شہر گندگی کا ڈھیر بن چکا ہے، سندھ کے عوام گندہ اور زہریلا پانی پی رہے ہیں، جبکہ آصف علی زرداری اور ان کے ساتھیوں کی جانب سے سب اچھا ہے کا راگ الاپا جارہا ہے۔ انھوں نے کہا کہ اب وقت آگیا ہے کہ پیپلز پارٹی اور تحریک انصاف کچھ کام کرکے دکھائیں انتخابات میں ایک سال باقی رہ گیا ہے، یہ لوگ ایمپائر کی انگلی کا انتظار نہ کریں۔مسلم لیگ ن کے مرکزی رہنما سنیٹر سلیم ضیاء نے کہا کہ سندھ حکومت مکمل طور پر ناکام ہوچکی ہے،مسلم لیگ ن نے ہی ملک کو امن و استحکام اور ترقی کی راہ پر گامزن کیا ہے۔سندھ کے نائب صدر شاہ محمد شاہ نے کہا کہ نواز شریف جب بھی سندھ آتے ہیں تو پیپلزپارٹی والے سندھ کارڈ استعمال کرتے ہیں، مسلم لیگ ن نے ٹھٹہ کو تاریخی ترقیاتی پیکیج دیا ہے۔مسلم لیگ ن کی قیادت شرافت کی امین ہے۔ایک سوال کے جواب میں شاہ محمد شاہ نے کہا کہ صرف حیدرآباد یا ٹھٹہ نہیں کراچی سے کشمور تک وزیر اعظم جلسے کریں گے۔ایک اور سوال پر انھوں نے کہا کہ جو لوگ مسلم لیگ ن سے چلے گئے ہیں ان کے لئے مسلم لیگ ن کے دروازے واپسی کے لئے کھلے ہوئے ہیں، ہم سمجھتے ہیں کہ جو دوست مسلم لیگ ن چھوڑ گئے ہیں وہ واپس آجائیں گے۔متعلقہ عنوان :
مزید اہم خبریں
-
پاکستان میں حملے سے جانی نقصان پر گہرا افسوس ہے، امریکا
-
لانگ مارچ توڑ پھوڑکیس، عمران خان کی 2کیسز میں بریت کی درخواست منظور
-
رواں مالی سال 4.8 ارب ڈالر کا انتظام کرنا ہے،گورنر سٹیٹ بینک
-
شوکت یوسفزئی نے 15 کروڑ ہرجانہ کیس کا فیصلہ چیلنج کردیا
-
حکومت کی پوری توجہ معیشت کو درست کرنے پر مرکوز ہے ، وفاقی وزیر قانون اعظم نذیر تارڑ
-
اسرائیل کاشام کے دارالحکومت دمشق پر فضائی حملہ‘ دشمن کے کچھ راکٹوں کو مار گرایا.دمشق
-
ہم وہ ہوتے ہیں جو ہم کھاتے ہیں
-
ایران: اس سال نوروز کے تہوار کے لیے عوام قناعت پر مجبور
-
روشن ڈیجیٹل اکائونٹس کے ذریعے سمندر پارپاکستانیوں کی ترسیلات زرکاحجم 7.478 ارب ڈالر سے تجاوزکرگیا
-
ڈاکٹریاسمین راشد کی ضمانت کی درخواست پرسماعت 29 مارچ تک ملتوی
-
انتخابات میں مبینہ دھاندلی کیخلاف احتجاج،شعیب شاہین،شیر افضل مروت ودیگر کی ضمانتیں منظور
-
2015میں محرم کی حفاظتی ڈیوٹی پر تعینات سندھ رینجرز نے 8 سال بعدریڈیوپاکستان کی عمارت خالی کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.