حافظ آباد،نوجوان نے والدین سے جھگڑے کے بعد خو د پر پیٹرول چھڑک کر آگ لگالی

ہفتہ 25 مارچ 2017 21:13

حافظ آباد (اُردو پوائنٹ اخبارتازہ ترین - آئی این پی۔ 25 مارچ2017ء) حافظ آباد کے محلہ شریف پورہ میں ایک نوجوان نے والدین سے جھگڑے کے بعد خو د پر پیٹرول چھڑک کر آگ لگالی جس سے اسکے جسم کا ستر فیصد سے زائد حصہ جھلس گیا۔ تفصیلات کے مطابق محلہ شیر پورہ حافظ آباد کے رہائشی محمد اویس ولد محمد وراث مبینہ طور پر نشہ کا عادی تھا ۔جس پر اسکے والدین نے اسے عاق کردیا۔

(جاری ہے)

گذشتہ روز محمد اویس نے گھر میں آنے کی کوشش کی تو والدین نے اسے کہا کہ وہ انکے گھر نہ آیا کرے۔ جس پر اویس نے محلہ شریف پورہ کے گورنمنٹ پرائمری سکول کی عمارت میں جاکر وہاں پر اپنے اوپر پیٹرول چھڑک کر خود کو آگ لگا لی جس پر اسے فوری طور پر ڈسٹرکٹ ھیڈکوارٹر ھسپتال لیجایا گیا جہاں ڈاکٹروں نے اسکی نازک حالت کے پیش نظر اسے لاھور ھسپتال ریفر کردیا۔

Facebook Twitter Google + Share on Whatsapp

حافظ آباد،نوجوان نے والدین سے جھگڑے کے بعد خو د پر پیٹرول چھڑک کر آگ لگالی

متعلقہ عنوان :

مزید قومی خبریں