سیلاب اور دیگر قدرتی آفات کا زیادہ بہتر اور منظم انداز میں مقابلہ کرنے اور عوام کے جان ومال کے تحفظ کے سلسلہ میں سائنسی اور ٹھوس بنیادوں پر ریسکیو اینڈ ریلیف آپریشن کے لئے تمام متعلقہ محکمے اپنی تیاریاں مکمل رکھیں،ڈپٹی کمشنر حافظ آباد اللہ دتہ وڑائچ

ہفتہ 25 مارچ 2017 21:13

حافظ آباد (اُردو پوائنٹ اخبارتازہ ترین - آئی این پی۔ 25 مارچ2017ء) ڈپٹی کمشنر حافظ آباد اللہ دتہ وڑائچ نے کہاہے کہ سیلاب اور دیگر قدرتی آفات کا زیادہ بہتر اور منظم انداز میں مقابلہ کرنے اور عوام کے جان ومال کے تحفظ کے سلسلہ میں سائنسی اور ٹھوس بنیادوں پر ریسکیو اینڈ ریلیف آپریشن کے لئے تمام متعلقہ محکمے اپنی تیاریاں مکمل رکھیں ۔انہوں نے کہاکہ ضلعی سطح پر ڈیزاسٹرمینجمنٹ اتھارٹی کا قیام حکومت پنجاب کا اہم اقدام ہے جس کا مقصد تمام وسائل کو یکجا کرتے ہوئے اداروں کی کار کردگی میں اضافہ کرنا اور قدرتی آفت اور تباہی کی صورت میں فوری طور پر ایسے اقدامات کو یقینی بنانا ہے جن سے کم سے کم جانی ومالی نقصان ہو اور ریسکیو ،ریلیف آپریشن ہر صورت کامیاب بنایا جاسکے ۔

انہوں نے یہ بات ڈسٹر کٹ ڈیزاسٹرمینجمنٹ کمیٹی کے اجلاس کی صدارت کرتے ہوئے کہی ۔

(جاری ہے)

اجلاس میں انتظامی افسران ،انچارج ریسکیو 1122،ڈسٹرکٹ ڈیزاسٹر مینجمنٹ اتھارٹی کے نمائیندہ اور کمیٹی کے دیگر اراکین نے شرکت کی ۔ڈپٹی کمشنر نے تمام محکموں کو ہدایت کی کہ فلڈ پلان 2017کو حتمی شکل دیتے ہوئے افسران اور سٹاف کو انکی ذمہ داریوں سے آگاہ کیاجائے انہوں نے واضح کیا کہ فلڈ پلان کے مطابق ڈیوٹی سرانجام نہ دینے والوں اور کسی بھی سستی ،غفلت کا مظاہرہ کرنے والوں کے خلاف ٹھوس محکمانہ کاروائی عمل میں لائی جائیگی انہوں نے کہا کہ بالخصوص ریسکیو1122کے پاس موجود تمام کشتیاں ،انجن ،لائف رنگ ،لائف جیکٹس اور دیگر اشیاء بالکل ٹھیک اور قابل استعمال حالت میں ہونا چاہئے انہوں نے کہاکہ کوئی بھی محکمہ اور شخص قدرتی آفات کا تنہا مقابلہ نہیں کر سکتا ہے اور اس کمیٹی کی تشکیل کا مقصد بھی یہی ہے کہ ضلعی سطح پر دستیاب تمام وسائل کو یکجا کر کے ریسکیو اینڈ ریلیف آپریشن میں عوام کے جان ومال کے تحفظ کے لئے استعمال میں لایاجائے ۔

Facebook Twitter Google + Share on Whatsapp

متعلقہ عنوان :

مزید قومی خبریں