مجھے بی بی شہید کے قاتلوں کا پتہ ہوتا توضرور بدلہ لیتا،ذوالفقارمرزا

ہفتہ 25 مارچ 2017 15:17

مجھے بی بی شہید کے قاتلوں کا پتہ ہوتا توضرور بدلہ لیتا،ذوالفقارمرزا
کراچی(اُردو پوائنٹ اخبارتازہ ترین - آن لائن۔ 25 مارچ2017ء) سابق وزیر داخلہ سندھ ذوالفقار مرزا نے کہا ہے کہ اگر مجھے بی بی شہید کے قاتلوں کا پتہ ہوتا توضرور بدلہ لیتا،بے نظیر بھٹو کے قاتلوں کے حوالے سے میرے بیان کو غلط طریقے سے منسوب کیا گیا۔

(جاری ہے)

کراچی میں میڈیا سے بات کرتے ہوئے ذوالفقارمرزا نے کہا کہ بے نظیر بھٹو کے قاتلوں کے حوالے سے میرے بیان کو غلط طریقے سے منسوب کیا گیا، بینظیر کے قاتلوں کے بارے میں اللہ ہی جانتا ہے، مجھے پتہ چلتا تو بدلہ ضرور لیتا، جس قاتل کا نام لیا گیا ہے وہ بے نظیر کے قتل سے پہلے ساتھ افریقہ میں مارا جا چکا تھا۔

پیپلزپارٹی کے شریک چیئرمین کی جانب سے دھواں دھاربیانات پرذوالفقار مرزا نے کہا کہ آج کل آصف زرداری اپنے انٹرویوز میں اداروں اورحکومت کو دھمکیاں دے رہے ہیں، اس سے آصف زرداری لوگوں کو پیغام دینا چاہتے ہیں کہ وہ بالکل ٹھیک ٹھاک اور لڑائی کے موڈ میں ہیں، اب عوام کے ردعمل سے پتہ چلے گا کہ آصف زرداری مضبوط ہیں یا نہیں۔

متعلقہ عنوان :