کما د کے کاشتکارگڑوئوں کے تدار ک کیلئے دانے دا ر زہروں کا استعمال کر کے کھیتوں کوپانی لگادیں ،زرعی ماہرین

ہفتہ 25 مارچ 2017 12:36

سلانوالی۔25 مارچ(اُردو پوائنٹ اخبارتازہ ترین - اے پی پی۔ 25 مارچ2017ء)زرعی ماہرین نے کماد کے کا شت کا رو ں کو ہدایت کی ہے کہ کما د کے گڑوئوں کے تدار ک کیلئے زرعی توسیعی کا رکنوں کے مشورے سے دانے دا ر زہروں کا استعمال کر کے کھیتوں کوپانی لگادیں ،فصل کو 10تا 12دن کے وقفہ سے آبپاشی کریں، نیز فصل کو پانی کی کمی نہ آنے دیںاور بیماری کا حملہ ہونے کی صورت میںز ہروں کا استعمال زرعی توسیعی کارکنوں کے مشورہ سے کریں، پانی کی کمی کی صورت میں ایک کھیلی چھوڑ کر آبپاشی کریں اور اگلے پانی پر صرف چھوڑی ہوئی کھیلیوں کو پانی لگائیں، بہاریہ کماد کو نائٹرو جن کی آخری قسط یعنی تیسری خورا ک جون کے آخرتک ڈال دیں، اگر کھاد دیر سے ڈالی گئی تو بر سات شرو ع ہونے پر فصل بڑھوتری اور پھوٹ کرے گی جس سے گرنے کا خطر ہ ہوتا ہے اور گری ہوئی فصل کی پیداوار متاثرہوتی ہے جبکہ مونڈھی فصل کو نئی فصل کی نسبت 30فیصد کھاد زیاد ہ ڈالیں ۔