چیئرمین نیب کی زیر صدارت اجلاس‘ ’’انسداد بدعنوانی اداروں کے استحکام کے اقدام‘‘ کے عنوان سے ٹرانسپیرنسی انٹرنیشنل پاکستان کی طرف سے جاری رپورٹ کا جائزہ
جمعہ 24 مارچ 2017 21:43
(جاری ہے)
یہ قومی احتساب آرڈیننس 1999ء کے تحت قانونی طور پر فعال آزادانہ ادارہ ہے، اس کے دائرہ کار میں بدعنوانی کی کارروائیوں سے متعلق کیسز کا سراغ لگانا، تفتیش اور استغاثہ کی کارروائی کے ساتھ ساتھ انسداد بدعنوانی کے بارے میں شعور اجاگر کرنا شامل ہیں، اس کا واحد مقصد جامع حکمت عملی کے ذریعے معاشرہ سے بدعنوانی کا خاتمہ کرنا ہے اور اس ضمن میں اسے تحقیقات، گرفتاری اور مقدمہ چلانے کے بھرپور اختیارات حاصل ہیں۔
رپورٹ میں کہا گیا ہے کہ نیب کی جانب سے بدعنوانی اور ایسی کارروائیوں کے تدارک اور روک تھام کے بارے میں معلومات کی فراہمی کیلئے شعور اجاگر کرنے کی مہم پر کافی زیادہ انحصار کیا گیا ہے، اس کا داخلی جوابدہی کا نظام ایک ضابطہ اخلاق کے تابع ہے۔ وہ اشاریے جن کی بناء پر نیب نے بلند سطح کا سکور حاصل کیا ان میں نیب کی آزادی، مینڈیٹ، قانونی اختیارات، نیب کے اہلکاروں کے انتخاب کا معیار، بدعنوانی کی شکایات پر ردعمل، اثاثہ جات کی بازیابی، انہیں منجمد اور قرق کرنا، بدعنوانی کے تدارک اور شعور اجاگر کرنے کیلئے بجٹ، بدعنوانی کی روک تھام کے اقدامات، بدعنوانی کیسز کی پراسیکیوشن کیلئے حکومتی معاونت، دیگر اداروں کے ساتھ تعاون، بین الاقوامی شراکت، نیب یا اس کے عملہ کے خلاف شکایات کے نتائج شامل ہیں۔ دیگر اداروں کے ساتھ نیب کا تعاون اس کے مضبوط ترین عوامل میں سے ایک ہے، بدعنوانی کیسز کی پراسیکیوشن کیلئے نیب کیلئے حکومتی معاونت کے حوالہ سے یہ بات مشاہدہ میں آئی ہے کہ پراسیکیوٹر جنرل نیب پراسیکیوشن ڈویژن کا سربراہ ہوتا ہے جسے ملک بھر سے قانونی ماہرین اور پراسیکیوٹرز کی معاونت حاصل ہوتی ہے۔ بدعنوانی کے کیسز میں جب قانون کا کوئی سوال پیدا ہوتا ہے تو اٹارنی جنرل اور ایڈووکیٹ جنرل کے ساتھ بھی نیب کا قریبی رابطہ ہوتا ہے۔ نیب انسداد بدعنوانی کے متعدد بین الاقوامی اداروں کے ساتھ اور بدعنوانی کے خلاف اقوام متحدہ کنونشن، انسداد بدعنوانی حکام کی بین الاقوامی ایسوسی ایشن سمیت مختلف اقدامات میں بھی اشتراک کار رکھتا ہے۔ حال ہی میں سارک انسداد بدعنوانی فورم قائم کیا گیا جبکہ چیئرمین نیب کو اس کا پہلا چیئرپرسن نامزد کیا گیا۔ رپورٹ میں کہا گیا ہے کہ فیڈرل انویسٹی گیشن ایجنسی اور صوبائی انسداد بدعنوانی محکموں جیسے دیگر انسداد بدعنوانی اداروں کے مقابلہ میں نیب کو زیادہ مؤثر اور معتبر سمجھا جاتا ہے۔ چیئرمین نیب قمر زمان چوہدری نے ’’انسداد بدعنوانی اداروں کے استحکام کے اقدام‘‘ کے عنوان سے ٹرانسپیرنسی انٹرنیشنل پاکستان کی طرف سے حال ہی میں جاری کردہ رپورٹ کا خیرمقدم کیا ہے جو 2016ء میں پاکستان کے قومی احتساب بیورو کے ایک جائزہ کی حامل ہے۔ انہوں نے کہا کہ نیب نے ایک جامع انسداد بدعنوانی حکمت عملی وضع کی ہے جس کا ٹرانسپیرنسی انٹرنیشنل نے 2016ء کی اپنی رپورٹ میں اعتراف کیا ہے۔ انہوں نے کہا کہ 2016ء کی ٹرانسپیرنسی انٹرنیشنل کی تازہ ترین رپورٹ کے مطابق کرپشن پرسپشن انڈیکس میں پاکستان کی درجہ بندی 9 درجہ بہتر ہوئی ہے، یہ نیب کی کوششوںکی بدولت پاکستان کی بہت بڑی کامیابی ہے۔ ٹرانسپیرنسی انٹرنیشنل کے علاوہ پلڈاٹ اور ورلڈ اکنامک فورم جیسے آزاد، قومی اور بین الاقوامی نگران اداروں نے بھی پاکستان میں بدعنوانی کی روک تھام کیلئے پاکستان کی کوششوں کی تعریف کی ہے۔ چیئرمین نیب نے نیب کے تمام افسران کو ہدایت کی کہ وہ کرپشن کے خاتمہ کیلئے اپنی کوششوں کو دوگنا کر دیں جبکہ بدعنوانی کا خاتمہ اولین ترجیح ہے۔ انہوں نے کہا کہ بدعنوانی تمام برائیوں کی جڑ ہے جو ملکی ترقی و خوشحالی کی راہ میں سب سے بڑی رکاوٹ ہے۔ چیئرمین نیب نے کہا کہ 2015ء کے مقابلہ میں 2016ء کے اسی عرصہ میں شکایات، انکوائریز اور تحقیقات کے اعداد و شمار تقریباً دوگنا ہیں۔ یہ اعداد و شمار نئی توانائی اور جذبہ کی فضاء میں ہر سطح پر نیب کے عملہ کی سخت محنت کے مظہر ہیں جہاں کرپشن کے خلاف جنگ کو قومی فریضہ سمجھ کر لڑا جا رہا ہے۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.