حب کول فائر پاور پلانٹ اگست 2019ء میں پوری طرح چالو ہو جائے گا ،چیئرمین تعمیراتی کمپنی
پاکستانی قومی گرڈ میں سالانہ 9بلین کلوواٹ بجلی شامل کرے گا تعمیر کے دوران مقامی عوام کے لئے قریباً 10ہزار روزگار کے مواقع پیدا ہوں گے پاور پلانٹ کی افادیت کیلئے عالمی معیار کی اعلیٰ ترین بین الاقوامی ٹیکنالوجیوں کو بروئے کار لایا جائیگا ہم اپنے آلات کی تنصیب یا منافع کمانے کے لئے پاکستان نہیں آئے ہیں، انٹرویو
جمعہ 24 مارچ 2017 16:50
(جاری ہے)
انہوں نے مزید کہا کہ کوئلے سے چلنے والا یہ پاور پلانٹ پاکستان کی توانائی کی کھپت میں مختلف اضافے کا باعث بنے گا تا کہ اپنی توانائی کی سکیورٹی کو یقین بنانے میں ملک کی مدد کی جا سکے ۔انہوں نے کہا کہ کوئی بھی ملک ایک قسم کی توانائی پر انحصار نہیں کر سکتا ، بجلی سے چلنے والے پاور پلانٹ ، گیس سے چلنے والے پاور پلانٹس ، شمسی فارمز ، ونڈ انرجی ، بائیو انرجی یا توانائی کی دیگر اقسام کو استعمال کیا جانا چاہئے تا کہ اس کی توانائی کی سکیورٹی کی ضمانت دی جا سکے ، اس کے پیش نظر پاکستان کے لئے یہ ضروری ہے کہ وہ کوئلے سے چلنے والا پاور پلانٹ تعمیر کرے ۔
انہوں نے کہا جہاں تک حب پراجیکٹ کا تعلق ہے ہماری کمپنی پانچ امور کو زبردست اہمیت دے رہی ہے جن میں پلانٹ کی سیفٹی ، آپریشنل پائیداری ، ماحول دوست معیار اور معیشت اور ردو بدل شامل ہیں ، مجھے امید ہے کہ ہم پاکستان کو شاندار اور ذمہ دارانہ خدمت فراہم کررہے ہیں کیونکہ پراجیکٹ میں استعمال کئے جانیوالے تمام آلات عالمی طورپر اعلیٰ قسم کے ہیں ۔انہوں نے اس بات پر زور دیا کہ اگرچہ حب پراجیکٹ کوئلے سے چلنے والا پاور پلانٹ ہے ، ماحولیاتی تحفظ یا اخراج پر قابو پانے کے بارے میں اعلیٰ بین الاقوامی ٹیکنالوجیوں کو کمپلیکس میں استعمال کیا جائے گا تا کہ کوئلے سے چلنے والے پاور پلانٹوں کے بارے میں مقامی یا زیادہ سخت قانون کو پورا کیا جا سکے ۔انہوں نے کہا کہ ہم سپر کلین اخراج ٹیکنالوجی استعمال کررہے ہیں جس سے اس پلانٹ میں اخراج اسی سطح پر ہو گا جتنا گیس سے چلنے والے پاور پلانٹ کا ہو گا ۔انہوں نے کہا کہ حب پراجیکٹ کے ساتھ ہم قریب ہی ایک سیمنٹ فیکٹری تعمیر کرنے کا بھی ارادہ رکھتے ہیں تا کہ پاور پلانٹ میں پیداہونیوالے تمام ناکارہ گرد کو استعمال کیا جا سکے ۔انہوں نے کہا کہ حب پاور پلانٹ کی تمام چمنیوں کے اوپر حساس آلات تعینات کئے جائیں گے اور آلات کی طرف سے پتہ لگائے جانیوالی ویسٹ گیس میں نائٹرک آکسائیڈ یا سلفر ڈائی آکسائیڈ جیسے کیمیکل کے بارے میں تمام ڈیٹا مقامی ماحولیاتی محکمے کو بھیجا جائے گا ۔انہوں نے کہا کہ میں نے تکمیل کے بعد اس پلانٹ کو پاکستانی عوام کے لئے کھولنے کو کہا ہے کہ تا کہ مقامی عوام ہمارے کوئلے سے چلنے والے پلانٹ کے ماحولیاتی دوست ہونے کا خود تجربہ کر سکیں ، ہمیں اپنے ماحولیاتی تحفظ کی ٹیکنالوجیوں کے بارے میں قوی امید ہے ۔وانگ نے کہا کہ توقع ہے کہ حب کول فائر پاور پلانٹ اگست 2019ء میں پوری طرح چالو ہو جائے گا اور یہ پاکستانی نیشنل گرڈ میں سالانہ 9بلین کلوواٹ بجلی پیدا کرے گا ،اس سے تعمیر کے دوران مقامی عوام کے لئے قریباً 10ہزار روزگار کے مواقع پیدا ہوں گے ۔انہوں نے کہا کہ ہم اپنے آلات کی تنصیب یا منافع کمانے کے لئے پاکستان نہیں آئے ہیں ، ہم اعلیٰ قسم کی مقامی پیداواری صنعتوں کی ترقی کو بہتر بنانے کو زیادہ اہمیت دیتے ہیں تاکہ ترقی کو پائیدار بنایا جا سکے ، ہم خدشات کو دور کرنے کے لئے اپنے پراجیکٹ میں زیادہ سے زیادہ مقامی کمیونٹیز کو شامل کرنے کی کوشش کررہے ہیں ، ہم متعدد پاکستانی گریجویٹوں کا اندراج کرنے اور انہیں ماہر بنانے کے لئے تربیت فراہم کرنے کا ارادہ رکھتے ہیں ، یہ مقامی ملازمین ملک کے لئے اہم انسانی وسیلہ ہو گا ،اگر وہ حب پاور پلانٹ کو چھوڑدے تو وہ دوسرے پلانٹوں نے دوسرا موقع حاصل کر سکیں گے ، اس سے پاکستان میں یہ صنعت زیادہ پائیدار ہو جائے گی ، بلوچستان میں منصوبے کی سلامتی کے بارے میں انہوں نے پاکستانی حکومت کے بارے میں اعتماد اور بھروسے کا اظہار کیا اور کہا کہ پاکستانی حکومت سکیورٹی کے مسائل کے بارے میں انتہائی فکر مند ہے اور پاور پلانٹوں کے لئے ضروری سکیورٹی فراہم کر سکتی ہے ،گذشتہ روز سنگ بنیاد رکھنے کی افتتاحی تقریب کے دوران سرمایہ کاری کرنے والی کمپنی نے اس عزم کا اظہار کیا کہ اس پراجیکٹ کی تعمیر اعلیٰ معیاروں ، اعلیٰ کوالٹی اور استعداد کے ساتھ تیزی سے کی جائے گی اور اسے سی پیک کے تحت ’’ چین پاکستان دوستی پراجیکٹ ‘‘ اور ’’اخلاقی پراجیکٹ ‘‘ اور ماڈل پراجیکٹ کے طورپر تعمیر کیا جائے گا ۔مزید اہم خبریں
-
2 سال ہو گئے،دوسرے ملک سے تو معلومات نہیں مانگ رہے،جسٹس محسن اخترکیانی کے ریمارکس
-
سموسہ فروش کی 2 بیٹیاں کمیشن پاس کرکے گزیٹڈ آفیسر بن گئیں
-
یو اے ای اور پاکستان میں عید الفطر کی تاریخ سے متعلق پیش گوئی کر دی گئ
-
پاکستان میں ایکس کی بندش دوسرے ماہ میں داخل
-
پاک افغان سرحد پر کشیدگی کے بعد لڑائی رُک گئی ہے، طالبان حکومت
-
پوٹن کا دوبارہ انتخاب، روس میں کون سی تبدیلیاں آ سکتی ہیں؟
-
حسن اور حسین نواز فلیگ شپ،ایون فیلڈاور العزیز ریفرنسز سے بری
-
پرویز الٰہی جیل واش روم میں گر گئے،فریکچر ہوگیا،جیل رپورٹ
-
پاکستان کیلئے ایک اوربڑا اعزاز
-
کور کمیٹی میں اندرونی معاملات پر بات ہوئی، کسی پر کوئی پابندی نہیں لگی، بیرسٹر گوہر
-
زین قریشی کومریم نوازسے پوچھنے کی بجائے خود شرم سے ڈوب مرنا چاہیے‘ عظمیٰ بخاری
-
قدرتی آفات سے پیداہونے والی صورتحال سے نمٹنے اور لوگوں کے ریسکیو و مدد کےلئے جامع لائحہ عمل ضروری ہے،امداد کو شفاف انداز سے لوگوں تک پہنچایا جائے،حالیہ طوفانی بارشوں کے متاثرین کو کسی قیمت اکیلا ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.