پاناما کیس کے نتائج دوررس ہونگے، سپریم کورٹ کا فیصلہ جس کے حق میں آ یا انتخابات میں اسے وقتی فائدہ ہو گا، وزیر اعظم کو سینتالیس سال سے جانتا ہوں وہ بہت پراعتماد نظر آ رہے ہیں،سینئرسیاستدان مخدوم جاویدہاشمی کا انٹرویو

جمعہ 24 مارچ 2017 15:30

پاناما کیس کے نتائج دوررس ہونگے، سپریم کورٹ کا فیصلہ جس کے حق میں آ ..
ملتان(اُردو پوائنٹ اخبارتازہ ترین - آئی این پی۔ 24 مارچ2017ء) سینئرسیاستدان مخدوم جاویدہاشمی نے کہا ہے کہ پاناما کیس کے نتائج دوررس ہونگے، عمران خان نے احتساب کی بات کی ہے اورنوازشریف کوسپریم کورٹ میں لے آئے ہیں۔ پاناما کیس میں سپریم کورٹ کا فیصلہ جس کے حق میں آ یا انتخابات میں اسے وقتی فائدہ ہو گا۔ وزیر اعظم کو سینتالیس سال سے جانتا ہوں وہ بہت پراعتماد نظر آ رہے ہیں۔

(جاری ہے)

نجی ٹی وی کو انٹرویو دیتے ہوئے سینئرسیاستدان مخدوم جاوید ہاشمی نے کہا کہ احتساب کا عمل خیبرپختونخوا، سندھ سمیت پورے ملک میں صحیح سمت میں نہیں جا رہا ہمیں اداروں کو طاقتور بنانا ہو گا تاکہ احتساب کا عمل مضبوط ہو۔ عمران خان نے خیبر پختونخوا میں ادارے نہیں بنائے۔انہوں نے کہا کہ کہ وزیر اعظم نواز شریف کو کافی لمبے عرصے سے جانتا ہوں۔

باڈی لینگویج سے بہت پراعتماد نظر آ رہے ہیں انہوں نے کہا کہ پانامہ کیس میں اگر عمران خان کے خلاف فیصلہ آیا تو اس سے زیادہ فرق نہیں پڑے گا کیونکہ وہ ملک کے وزیر اعظم کو سپریم کورٹ تک لے کر آئے ہیں۔سپریم کورٹ کا فیصلہ عمران خان یا پھر نواز شریف کے حق میں آیا تو اسے انتخابات میں وقتی فائدہ ہو گا۔ ایسا نہیں ہے کہ فیصلہ عمران خان کے خلاف آیا تو ان کی سیاست ختم ہوجائے گی۔