ْ چوہدری نثار کی نئی سیکریٹری خارجہ تہمینہ جنجوعہ کو اہم ذمہ داریاں سنبھالنے پر مبارکباد

پاکستان کو اندرونی و بیرونی کئی چیلنجز درپیش ہیں، امید کرتا ہوںتہمینہ جنجوعہ بیرونی محاذ پر درپیش چیلنجز کا مقابلہ کرنے، عالمی دنیا میں پاکستان کا تشخص اجاگر کرنے اور علاقائی و عالمی امور پر پاکستان کا موقف موثر طور پر اقوام عالم کو پہچانے میںاپنا کردار ادا کریں گی،وفاقی وزیر داخلہ چوہدری نثار علی خان کی نئی سیکریٹری خارجہ تہمینہ جنجوعہ سے ملاقات گفتگو

جمعہ 24 مارچ 2017 15:30

ْ چوہدری نثار کی نئی سیکریٹری خارجہ تہمینہ جنجوعہ کو اہم ذمہ داریاں ..
اسلام آباد (اُردو پوائنٹ اخبارتازہ ترین - آئی این پی۔ 24 مارچ2017ء) وفاقی وزیر داخلہ چوہدری نثار علی خان نے نئی سیکریٹری خادجہ تہمینہ جنجوعہ کو اہم ذمہ داریاں سنبھالنے پر مبارکباد دیتے ہوئے کہا ہے کہ پاکستان کو اندرونی و بیرونی کئی چیلنجز درپیش ہیں، امید کرتا ہوں بیرونی محاذ پر درپیش چیلنجز کا مقابلہ کرنے، عالمی دنیا میں پاکستان کا تشخص اجاگر کرنے اور علاقائی و عالمی امور پر پاکستان کا موقف موثر طور پر اقوام عالم کو پہچانے میںپنا کردار ادا کریں گی۔

جمعہ کو وزیر داخلہ چوہدری نثار علی خان نے نئی سیکریٹری خارجہ تہمینہ جنجوعہ سے ملاقات میں انہیں نئی سیکرٹری خارجہ کی ذمہ داریاں سنبھالنے پر مبارکباد دی ۔ اس موقع پر انہوں نے کہا کہ موجودہ دور میں پاکستان کو اندرونی و بیرونی طور پر کئی چیلنجز درپیش ہیں۔

(جاری ہے)

میں امید کرتا ہوں کہ بیرونی محاذ پر درپیش چیلنجز کا مقابلہ کرنے، عالمی دنیا میں پاکستان کا تشخص اجاگر کرنے اور علاقائی و عالمی امور پر پاکستان کا موقف موثر طور پر اقوام عالم کو پہچانے میں آپ اپنی صلاحتیوں کا بھرپور استعمال کرتے ہوئے اپنا کردار ادا کریں گی۔

وزیر داخلہ نے کہا کہ بیرونی دنیا میں مقیم پاکستانی کمیونٹی ملک کا اہم اثاثہ ہیں ۔ انکے مسائل کا حل ہماری اولین ترجیح ہونی چاہیے۔ وزیر داخلہ نے سابقہ سیکرٹری خارجہ اعزاز چوہدری کی کارکردگی کی تعریف بھی کی ۔