ما ہرین کی کاشتکار وںکو مارچ کے آخر تک بہا ریہ مو نگ کاشت کرنے کی ہدایت

جمعہ 24 مارچ 2017 13:02

فیصل آباد۔24 مارچ(اُردو پوائنٹ اخبارتازہ ترین - اے پی پی۔ 24 مارچ2017ء)محکمہ زراعت نے ایسے کاشتکار جو بہاریہ کماد، مکئی یا سورج مکھی کی فصل کاشت نہیں کر سکے کو مارچ کے آخر تک بہاریہ مونگ کاشت کرنے کی ہدایت کی ہے اور کہاہے کہ مونگ کو آبپاش اور بارانی علاقوں میں یکساں طور پر کامیابی کے ساتھ کاشت کیا جا سکتا ہے ۔محکمہ زراعت فیصل آبادکے ترجما ن نے کہاکہ کاشتکاربھرپور پیداوار کے حصول کیلئے آبپاش علاقوں میں مونگ کی ترقی دادہ اقسام نیاب مونگ2011،نیاب مونگ 2006، اور ازری مونگ2006جبکہ بارانی علاقوں میں چکوال ایم6 کاشت کرسکتے ہیں جن کی پیداواری صلاحیت 25من فی ایکڑ تک ہے ۔

انہوںنے کہاکہ کاشتکار مونگ کی ترقی دادہ اقسام کا بیج 10سے 12کلو گرام فی ایکڑ استعمال کریں جبکہ بوائی سے قبل بیج کو جراثیمی ٹیکہ لگائیں اور تر وتر میں ڈرل سے بوائی کریں۔

(جاری ہے)

انہوںنے کہاکہ مونگ کی فصل کے لیے کھاد کے حسب ضرورت استعمال کے لیے زمین کا تجزیہ کرانا ضروری ہے جبکہ زمین کے تجزیہ کی عدم موجودگی میں ایک بوری ڈی اے پی+آدھی بوری پوٹاشیم سلفیٹ یا آدھی بوری یوریا کے ساتھ ایک بوری ٹرپل سپر فاسفیٹ اور آدھی بوری پوٹاشیم سلفیٹ کھاد فی ایکڑ ڈال کر بہتر پیداوار حاصل کی جا سکتی ہے ۔انہوںنے کہا کہ تمام کھادیں بوائی سے پہلے آخری ہل کے ساتھ استعمال کی جائیں۔

Facebook Twitter Google + Share on Whatsapp

ما ہرین کی کاشتکار وںکو مارچ کے آخر تک بہا ریہ مو نگ کاشت کرنے کی ہدایت

مزید تجارتی خبریں