ایف آئی اے کی کراچی پاسپورٹ ویزہ توسیع کرپشن کیس کے حوالے سے کارروائی،وزارت داخلہ کا ملوث اہلکار گرفتار

جمعرات 23 مارچ 2017 16:57

ٓاسلام آباد(اُردو پوائنٹ اخبارتازہ ترین - آئی این پی۔ 23 مارچ2017ء) وفاقی تحقیقاتی ادارے ایف آئی اے نے کراچی پاسپورٹ ویزہ توسیع کرپشن کیس کے حوالے سے کارروائی کرتے ہوئے وزارت داخلہ کے ملوث اہلکار کو بھی گرفتار کرلیا،محمد ساجد نامی ملزم وزارت داخلہ میں تعینات تھا،جو کراچی پاسپورٹ آفس کے اہلکاروں سے ملی بھگت اور ویزہ توسیع معاملے میں بے ضابطگیوں میں ملوث تھا۔

(جاری ہے)

تفصیلات کے مطابق وزیرداخلہ چوہدری نثارعلی خان کے حکم پر ایف آئی اے نے کراچی پاسپورٹ آفس ویزہ توسیع کرپشن کیس میں مزید پیشرفت کی ہے،ایف آئی اے نے اس حوالے سے وزارت داخلہ کے ملوث اہلکار کو بھی گرفتار کیا ہے،ملزم محمد ساجد ملی بھگت اور ویزہ توسیع معاملے میں بے ضابطگیوں میں ملوث تھا،ملزم مبینہ طور پر رشوت کے عوض جعلی طور پر توسیع کے کاغذات تیار کرتا تھا۔