عمرے و حج کے نام پر انسانی اسمگلنگ

مقامی عدالت نے ملوث ملزم کو مزید تین روزہ جسمانی ریمانڈ پر ایف آئی اے کے حوالے کردیا

بدھ 22 مارچ 2017 20:55

اسلام آباد(اُردو پوائنٹ اخبارتازہ ترین - آن لائن۔ 22 مارچ2017ء) اسلام آباد کی مقامی عدالت نے عمرے و حج کے نام پر انسانی اسمگلنگ میں ملوث ملزم کو مزید تین روزہ جسمانی ریمانڈ پر ایف آئی اے کے حوالے کردیا۔

(جاری ہے)

انسانی سمگلر ملزم محمد عتیق کوایف آئی اے نے سینئر سول جج عبدالغفور کاکڑ کی عدالت میں پیش کیا،ایف آئی اے نے عدالت میں موقف اپنایا کہ ملزم ایئر ورلڈ انٹرنیشنل ٹریول ایجنسی کا مالک ہے ، ملزم کے خلاف وزارت مذہبی امور کے شکایت پر مقدمہ درج کیا،ملزم ایف آئی اے مردان کو بھی ایک کروڑ کے فراڈ میں مطلوب ہے، ایف آئی اے نے عدالت سے تفتیش کیلئے ملزم کے مزید ریمانڈکی استدعاکی جسے عدالت نے منظور کرکے ملزم کو تین روزہ جسمانی ریمانڈ پر ایف آئی اے کے حوالے کر دیا گیا۔