جعفرآباد ،دومسافروین میں تصادم ،ایک خاتون سمیت 7 افراد زخمی

بدھ 22 مارچ 2017 19:14

جعفرآباد۔22مارچ(اُردو پوائنٹ اخبارتازہ ترین - اے پی پی۔ 22 مارچ2017ء) جعفرآباد میں دو مسافر وین آپس میں ٹکرا گئیں ایک خاتون سمیت سا ت مسافر شدید زخمی ہوگئے۔ زخمیوں کو ڈسٹرکٹ ہیڈ کوارٹر ہسپتال منتقل کردیا گیا ہے جہاں دو کی حالت تشویشناک بتائی جارہی ہے ۔

(جاری ہے)

جعفرآباد میں سوہنی پور کے مقام پر جیکب آباد سے اوستہ محمد اور اوستہ محمد سے جیکب آباد جانی والی دو مسافر وینیں تیز رفتاری کے باعث آمنے سامنے ٹکرا گئیں جس کے نتیجے میں ایک خاتون سمیت سات مسافر شدید زخمی ہوگئے ہیں۔

پولیس اطلاع ملتے ہی موقع پرپہنچ کر زخمیوں کوطبی امدادکے لئے ڈسٹرکٹ ہیڈ کوارٹر ہسپتال ڈیرہ اللہ یار منتقل کردیا گیا ہے زخمیوں میں سکینہ ،غفور ،امیر ،رحمان ،شبیر ،فاروق اور ایوب شامل ہیںدو زخمیوں کو نازک حالت میں سندھ کے ہسپتال لاڑکانہ ریفر کردیاگیا ہے۔ ڈیرہ اللہ یار پولیس نے مقدمہ درج کرکے مزید تفتیش شروع کردی ہے۔

Facebook Twitter Google + Share on Whatsapp

جعفرآباد ،دومسافروین میں تصادم ،ایک خاتون سمیت 7 افراد زخمی

متعلقہ عنوان :

مزید قومی خبریں