یوم پاکستان کے موقع پر کل جماعتی حریت کانفرنس آزاد کشمیر کی طرف سے پاکستان کے عوام کو مبارکباد

بدھ 22 مارچ 2017 17:17

اسلام آباد (اُردو پوائنٹ اخبارتازہ ترین - این این آئی۔ 22 مارچ2017ء) یوم پاکستان کے سلسلے میں کل جماعتی حریت کانفرنس کی آزاد کشمیر شاخ کے زیر اہتمام اسلام آباد میں ایک تقریب منعقد ہوئی جس میں تما م اکائیوں نے شرکت کی ۔ کشمیرمیڈیاسروس کے مطابق مقررین نے اس موقع پر پاکستان کے عوام کو مبارک باد پیش کرتے ہوئے کہاکہ پاکستان کی بنیاد23مارچ 1940میں رکھی گئی اور 14اگست1947کو پاکستان معرض وجود میں آیا مگر اسکی تکمیل ابھی ہونا باقی ہے ۔

(جاری ہے)

انہوںنے کہاکہ کشمیری عوام گزشتہ 68برس سے تکمیل پاکستان کی جنگ لڑ رہے ہیںاور اس کیلئے کشمیریوںنے بے مثال قربانیاں دی ہیں ۔ مقررین نے اس موقع پر تکمیل پاکستان کیلئے اپنی جدوجہد جاری رکھنے کے عزم کا اعادہ کیا ۔ حریت قیادت نے جدوجہد آزادی کشمیر کو اسکے منطقی انجام تک جاری رکھنے کیلئے تحریک آزادی کشمیر کی سیاسی ، سفارتی اور اخلاقی حمایت جاری رکھنے پر پاکستان کا شکریہ ادا کیا اور امید ظاہر کی کہ مستقبل میں بھی پاکستان یہ حمایت جاری رکھے گا ۔آخر میں استحکام پاکستان ، شہداء پاکستان اور شہدائے کشمیر کیلئے دعا کی گئی۔