ارسلان افتخار اور مسافر کی جدہ ایئرپورٹ پر توتکرار،ویڈیو سوشل میڈیا پر وائرل

بدھ 22 مارچ 2017 16:27

جدہ (اُردو پوائنٹ اخبارتازہ ترین - این این آئی۔ 22 مارچ2017ء) سابق چیف جسٹس پاکستان افتخار چوہدری کے بیٹے ارسلان افتخار اور برطانیہ سے تعلق رکھنے والے مسافر کے درمیان جدہ ایئرپورٹ پر توتکرار ہوئی اور ویڈیو سوشل میڈیا پر وائرل ہوگئی ہے۔

(جاری ہے)

تفصیلات کے مطابق جدہ ایئرپورٹ پر ارسلان افتخار اور مسافروں کے درمیان مبینہ طور پر قطار بنانے کے معاملے پر توتکرار ہوئی اس موقع پر سابق چیف جسٹس افتخار چوہدری بھی ارسلان افتخار کے ساتھ موجود تھے اور دونوں برطانیہ جارہے تھے۔

ارسلان افتخار سے مسافر نے کہا کہ آپ قطار توڑ رہے ہیں عملے نے بھی آپ کو قطار میں کھڑے رہنے کا کہا ہے۔ارسلان افتخارنے کہا کہ ہم بزنس کلاس کے مسافر ہیں ،مسافر نے جواب دیا کہ ہم بھی قطار میں کھڑے ہیں اور اپنی باری کا انتظار کررہے ہیں۔