پاک چین اقتصادی راہداری پر کام جاری رہے گا ،ْچین

بھارت کو سی پیک کے آزاد کشمیر سے گزرنے پر اعتراض ہے ،ْ چینی وزارت خارجہ

بدھ 22 مارچ 2017 16:27

پاک چین اقتصادی راہداری پر کام جاری رہے گا ،ْچین

بیجنگ (اُردو پوائنٹ اخبارتازہ ترین - این این آئی۔ 22 مارچ2017ء) چین نے پاک چین اقتصادی راہداری پر بھارت کے اعتراضات مسترد کر تے ہوئے کہاہے کہ بھارت کو چاہیے کہ اقتصادی راہداری کے حوالے سے عملی سوچ اپنائے ،ْبھارت کو سی پیک کے آزاد کشمیر سے گزرنے پر اعتراض ہے ۔

(جاری ہے)

بدھ کو چینی وزارت خارجہ کی ترجمان نے بریفنگ میں کہا کہ بھارت ون بیلٹ ون روڈ پروجیکٹ کے حوالے سے عملی سوچ اپنائے کیونکہ سلامتی کونسل کی قرار داد میں تمام رکن ممالک پر زور دیا گیا ہے کہ وہ اس منصوبے پر عمل درآمد کیلئے اپنی کوششیں تیز کردیں اور منصوبے کی سیکورٹی کے لیے ضروری تقاضے پوری کریں ،ْسلامتی کونسل کی یہ قرارداد 17 مارچ کو منظور کی گئی ۔

چین ون بیلٹ ون روڈ منصوبے کے تحت دنیا کے مختلف خطوں میں چھ اقتصادی راہداریاں تعمیر کررہا ہے جن میں سی پیک بھی شامل ہے ۔ جس کیلئے چین پاکستان میں 46 ارب ڈالر کی سرمایہ کاری کی ہے اور گوادر پورٹ سے چینی صوبے سنکیانگ تک راہداری تعمیر کا آغاز کردیا گیا ۔