تحریک انصاف نے پارٹی فنڈنگ کیس میں جواب داخل کرانے کے لئے مزید وقت مانگ لیا

اگر کوئی اور وقت مانگتا تو آپ اس کے خلاف کوئی فورم نہ چھوڑتے ،ْ چیف الیکشن کمشنر

بدھ 22 مارچ 2017 15:34

اسلام آباد (اُردو پوائنٹ اخبارتازہ ترین - این این آئی۔ 22 مارچ2017ء) تحریک انصاف نے پارٹی فنڈنگ کیس میں جواب داخل کرانے کے لئے مزید وقت مانگ لیا جبکہ الیکشن کمیشن نے آخری مہلت دیتے ہوئے سماعت 3 اپریل تک ملتوی کر دی۔ بدھ کو تحریک انصاف پارٹی فنڈز کیس کی سماعت چیف الیکشن کمشنر سردار رضا خان کی سربراہی میں ہوئی ۔

(جاری ہے)

سماعت کے دوران تحریک انصاف کے وکیل نے جواب جمع کرانے کے لئے 30 مارچ تک کا وقت دینے کی درخواست کی ۔

چیف الیکشن کمشنر نے کہا کہ اگر کوئی اور وقت مانگتا تو آپ اس کے خلاف کوئی فورم نہ چھوڑتے۔ کسی غلط فہمی میں نہ ڈالیں آج وقت دیا تو مزید مہلت نہیں دی جائیگی جس کے بعد الیکشن کمیشن نے آئندہ سماعت پر جواب داخل کرنے کی ہدایت کرتے ہوئے کیس کی سماعت 3 اپریل تک ملتوی کردی ۔