پنجاب میں آکر بیٹھ گئے ہیں جس وقت کا انتظار تھا وہ آگیا ‘آصف زرداری

گزشتہ عام انتخابات میں پیپلزپارٹی کو لڑنے نہیں دیاگیا تھا ،آئندہ عام انتخابات میں بھرپور مقابلہ کریں گے

منگل 21 مارچ 2017 22:10

لاہور (اُردو پوائنٹ اخبارتازہ ترین - این این آئی۔ 21 مارچ2017ء) سابق صدر آصف علی زرداری نے پنجاب کے اراکین اسمبلی کو آئندہ عام انتخابات کیلئے بھرپور تیاریوں کی ہدایت کرتے ہوئے کہاکہ پنجاب میں آکر بیٹھ گئے ہیں اور جس وقت کاانتظار تھا وہ آگیا ہے ۔ ان خیالات کااظہارانہوںنے بلاول ہائوس لاہور میں پیپلزپارٹی کے اراکین پنجاب اسمبلی کے اجلاس کے دوران گفتگوکرتے ہوئے کیا ۔

(جاری ہے)

اجلاس میں پارٹی کی مجموعی صورتحال اور آئندہ کی حکمت عملی کے حوالے سے تفصیلی تبادلہ خیال کیاگیا ۔ آصف علی زرداری نے اراکین اسمبلی کو ہدایت کی کہ اپنے حلقوں کی عوام سے رابطے بڑھائے جائیں اوراس کے ساتھ آئندہ عام انتخابات کی تیاریاں بھی شروع کردی جائیں ۔آصف علی زرداری نے کہاکہ ہمیں گزشتہ عام انتخابات میں پیپلزپارٹی کو لڑنے نہیں دیاگیا تھا لیکن آئندہ عام انتخابات میں بھرپور مقابلہ کریں گے ۔انہوںنے کہاکہ انتخابی مہم کا مرکز لاہور ہوگا ۔