اسلام آباد ہائیکورٹ بار عہدیداران کی کمرہ عدالت میں ہنگامہ آرائی پر جسٹس شوکت عزیز صدیقی نے چیف جسٹس کو خط ارسال کردیا

منگل 21 مارچ 2017 21:25

اسلام آباد (اُردو پوائنٹ اخبارتازہ ترین - اے پی پی۔ 21 مارچ2017ء) اسلام آباد ہائیکورٹ بار عہدیداران کی کمرہ عدالت میں ہنگامہ آرائی کرنے پر جسٹس شوکت عزیز صدیقی نے نوٹس لینے کے لئے چیف جسٹس کو خط ارسال کردیا ہے۔ فاضل جسٹس کی جانب سے لکھے گئے خط میں کہا گیا ہے کہ بار عہدیداران کا رویہ شرمناک ہے۔

(جاری ہے)

بار عہدیداران نے کمرہ عدالت میں داخل ہو کر ہنگامہ آرائی کی، سماعت کے دوران وکلاء اور سائلین کو باہر نکالنے کی کوشش کی گئی،عدالت کو آئینی ذمہ داریوں سے روکنا انتہائی شرمناک ہے، بار عہدیداران نے عدالت کو ڈکٹیٹ کرنے کی کوشش کی، بار عہدیداران عدالت کے دروازے پر کھڑے ہوکر سائلین کو روکتے رہے، وکلاء نے ضابطہ اخلاق کی بھی خلاف ورزی کی۔