بینظیر بھٹو ہسپتال کے ڈیپارٹمنٹ آف آرتھوبیڈک سرجری کے زیر اہتمام ایک ورکشاپ کا انعقاد

منگل 21 مارچ 2017 18:54

راولپنڈی ۔ (اُردو پوائنٹ اخبارتازہ ترین - اے پی پی۔ 21 مارچ2017ء) بینظیر بھٹو ہسپتال کے ڈیپارٹمنٹ آف آرتھوبیڈک سرجری کے زیر اہتمام ایک ورکشاپ منعقد ہو ئی جس میںآنے والی جدید ٹیکنالوجی کے بارے میں آگاہی دی گئی۔ ورکشاپ میں پروفیسر ریاض احمد شیخ , انچارج ڈیپارٹمنٹ اور ڈاکٹر جنید خان , ڈاکٹر محمد شیراز نے بتایا کہ اس جدید ٹیکنالوجی کی مدد سے اب آپریشن آسان ہوسکیں گے ۔

مریض جلد صحتیاب ہوسکیں گے ۔ یہ آپریشن چھوٹے سے کیمرے کی مدد سے کئے جاتے ہیں جس سے کم سے کم کٹ لگایا جاتا ہے اور کیمرے کی مدد سے سرجری کر کے جوڑوں کے درد کے علاج کو ممکن بنایا جا رہا ہے۔ پروفیسر ریاض شیخ نے بتایا کہ اس جدید ٹیکنالوجی کے باعث مریض اب بغیر کسی درد کے جلد صحت یاب ہو رہے ہیں۔

(جاری ہے)

انہوں نے کہا کہ یہ طریقہ علاج آرتھوپیڈک سرجری میں ایک نئی اور موثر ایجاد ہے جس کے سبب اب جوڑوں کے بہت کم عرصے میں ٹھیک کیا جاسکتا ہے۔

ڈاکٹر جنید خان نے مزید تفصیلات فراہم کرتے ہوئے بتایا کہ بینظیر بھٹو ہسپتال میں ہر سال تقریباً 66 ہزار مریضوں کے جوڑوں کا علاج کیا جا تاہے جس میں سے چار ہزار میجر سرجریز مکمل ہوئی ہیں۔ ڈاکٹر زبیر (فل ٹریننگ پروگرام کوآرڈینیٹر) نے بتایا کہ پنجاب حکومت کی جانب سے جدید ٹیکنالوجی کو شروع کیا گیاہے جس کی وجہ سے بہت سے لوگ اب مفت علاج سے مستفید ہو سکیں گے ۔

Facebook Twitter Google + Share on Whatsapp

بینظیر بھٹو ہسپتال کے ڈیپارٹمنٹ آف آرتھوبیڈک سرجری کے زیر اہتمام ایک ورکشاپ کا انعقاد

متعلقہ عنوان :

مزید قومی خبریں