نجم سیٹھی کے بیان کے خلاف پی ٹی آئی کی پنجاب اسمبلی میں قراردادجمع

نجم سیٹھی کے کرکٹرز سے ایف آئی اے تحقیقات نہ کرنے کے بیان سے شکوک و شبہات جنم لے رہے ہیں‘قرارداد

منگل 21 مارچ 2017 16:17

لاہور(اُردو پوائنٹ اخبارتازہ ترین - آئی این پی۔ 21 مارچ2017ء) تحریک انصاف کے رکن پنجاب اسمبلی شعیب صدیقی کی جانب سے جمع کرائی جانے والی قرارداد میں کہا گیا ہے کہ نجم سیٹھی کا یہ بیان کہ جوئے میں ملوث کرکٹرز سے ایف آئی اے تحقیقات نہ کرے اس سے بہت سے شکوک و شبہات جنم لے رہے ہیں قرارداد میں کہا گیا ہے کہ پی سی بی کی کمزوری ہے کہ سیاسی پنچر لگانے والے کا کرکٹ کے ادارے پر کنٹرول ہے قرارداد میں سفارش کی گئی ہے کہ معطل کھلاڑیوں کا نام ای سی ایل میں شامل کرنے سے تحقیقات بہتر ہوگی ، ایسا تو نہیں کہ تحقیقات کا رخ نجم سیٹھی کیطرف ہو جائے گا لگتا ہے کہ اسی ڈر سے وہ ایف آئی اے سے تحقیقات نہ کروانے کا بیان دے رہے ہیں۔