کراچی: رینجرز کا سفاری پارک میں چھاپا، بڑی تعداد میں اسلحہ برآمد

اسلحہ میں رائفلز، ایس ایم جی،ایل ایم جیز اور دستی بم شامل ،ٹاون اقبال مارکیٹ میں مبینہ پولیس مقابلے میں ایک ڈاکو ہلاک، شہر کے دیگر علاقوں سے 11 ملزمان گرفتار

منگل 21 مارچ 2017 12:41

کراچی: رینجرز کا سفاری پارک میں چھاپا، بڑی تعداد میں اسلحہ برآمد

کراچی(اُردو پوائنٹ اخبارتازہ ترین - آن لائن۔ 21 مارچ2017ء) کراچی کے سفاری پارک میں رینجرز نے چھاپا مارکر پارک کے اسٹور روم میں چھپائی گئی اسلحہ کی بھاری کھیپ برآمد کرلی، اسلحہ میں رائفلز، ایس ایم جی،ایل ایم جیز اور دستی بم بھی شامل ہیں۔

(جاری ہے)

ترجمان رینجرز کے مطابق آپریشن خفیہ اطلاع پر کیا گیا، پارک کے اسٹور سے بڑی تعداد میں جدید اسلحہ برآمدہوا جس میں رائفلز، ایس ایم جی،ایل ایم جیز شامل ہیں۔

ترجمان کے مطابق آپریشن کے دوران مختلف اقسام کی گولیاں اورکارتوس بھی برآمدہوئے جبکہ کارروائی میں دستی بم ،بال بم ،بلاک بم اوردیگر اسلحہ بھی ملا ہے۔رینجرز کے ترجمان کا کہنا ہے کہ برآمد اسلحہ شہر میں بدامنی کیلیے استعمال ہونا تھا۔ادھر اورنگی ٹاون اقبال مارکیٹ میں مبینہ پولیس مقابلے میں ایک ڈاکو ہلاک ہوگیاجبکہ شہر کے دیگر علاقوں سے 11 ملزمان گرفتار کرلیے گئے۔