ْہزارہ یونیورسٹی میں فائن آرٹس اینڈ ڈیزائن فائنل ایئر کی طرف سے آرٹ ورک ڈسپلے ..
تازہ ترین : 1

ْہزارہ یونیورسٹی میں فائن آرٹس اینڈ ڈیزائن فائنل ایئر کی طرف سے آرٹ ورک ڈسپلے کا اہتمام

مانسہرہ۔ (اُردو پوائنٹ اخبارتازہ ترین۔ 20 مارچ2017ء) ہزارہ یونیورسٹی مانسہرہ میں ڈیپارٹمنٹ آف فائن آرٹس اینڈ ڈیزائن کے فائنل ایئر کے طلباء و طالبات کی طرف سے آرٹ ورک ڈسپلے کا اہتمام کیا گیا۔ یہ ڈسپلے دو روز تک جاری رہا جس میں طلباء و طالبات کے مختلف موضوعات کے بارے میں فن پارے پیش کئے۔وائس چانسلر پروفیسر ڈاکٹر محمدا دریس نے طلباء و طالبات کی طرف سے مکمل کئے گئے تخلیقی کام اور فن پاروں کا معائنہ کیا ۔

اس موقع پر یونیورسٹی کے تدریسی شعبوں سے تعلق رکھنے والے اساتذہ اور پروفیسرز بھی موجود تھے۔ وائس چانسلر نے کہا کہ فائن آرٹس اینڈ ڈیزائن ڈیپارٹمنٹ کے طلباء و طالبات کا کام نہایت تخلیقی ہے اور جن موضوعات پر روشنی ڈالی گئی ہے وہ حقیقت کے قریب ہیں اور ہمارے معاشرے اور تہذیب کا حصہ ہیں۔ انہوں نے طلباء و طالبات کے کام کو سراہا۔
وقت اشاعت : 20/03/2017 - 21:41:23

اپنی رائے کا اظہار کریں