شہبازشریف کا لاہور رنگ روڈ سدرن لوپ کے منصوبے کا 2گھنٹے طویل دورہ
تازہ ترین : 1
شہبازشریف کا لاہور رنگ روڈ سدرن لوپ کے منصوبے کا 2گھنٹے طویل دورہ

شہبازشریف کا لاہور رنگ روڈ سدرن لوپ کے منصوبے کا 2گھنٹے طویل دورہ

ایف ڈبلیو او کی جانب سے تعمیراتی کام کی رفتار اورمعیار کو سراہا

لاہور(اُردو پوائنٹ اخبارتازہ ترین۔ 20 مارچ2017ء) وزیراعلیٰ پنجاب محمد شہبازشریف نے لاہور رنگ روڈ سدرن لوپ کے منصوبے کا 2گھنٹے طویل دورہ کیا اور منصوبے کے مختلف مقامات پر تعمیراتی کام کی رفتار کا جائزہ لیا۔ڈی جی ایف ڈبلیو او لیفٹیننٹ جنرل محمد افضل بھی وزیراعلیٰ کے ہمراہ تھے۔ وزیراعلیٰ نے منصوبے پر اعلیٰ معیار اور تیز رفتاری سے تعمیراتی کام کی تعریف کی اور ایف ڈبلیو او کے ڈائریکٹر جنرل لیفٹیننٹ جنرل محمد افضل اور ان کی ٹیم کی کارکردگی کو سراہا۔

وزیراعلیٰ نے کماہاں سے گجومتہ اور گجومتہ سے رائے ونڈ انٹر چینج تک لاہور رنگ روڈ سدرن لوپ کے کئی کلومیٹر طویل منصوبے پر کام کی رفتار کا جائزہ لیتے رہے اور رائے ونڈ انٹرچینج پر وزیراعلیٰ کو تعمیراتی کام اورمنصوبے پر ہونے والی پیش رفت کے حوالے سے بریفنگ دی گئی۔وزیراعلیٰ نے منصوبے پر کا م کرنے والے عملے سے ہاتھ ملایا اوران کی دن رات کی محنت پر انہیں شاباش دی۔
وقت اشاعت : 20/03/2017 - 20:08:00

متعلقہ عنوان :

اپنی رائے کا اظہار کریں