پاک فضائیہ کے سربراہ سہیل امان سے پولش نیوی کے انسپکٹر کی ملاقات،پیشہ ورانہ دلچسپی کے امور پر تبادلہ ء خیال

پیر 20 مارچ 2017 19:38

اسلام آباد ۔ (اُردو پوائنٹ اخبارتازہ ترین - اے پی پی۔ 20 مارچ2017ء) پاک فضائیہ کے سربراہ ایئر چیف مارشل سہیل امان سے پولش نیوی کے انسپکٹر،رئیرایڈمرل میرازلوف موردل نے ائیر ہیڈ کوارٹرز اسلام آباد میں ملاقات کی ۔پاک فضائیہ کے ترجمان کے مطابق مہمان شخصیت کی ایئر ہیڈ کوارٹرآمد پر پاک فضائیہ کے سربراہ ائیر چیف مارشل سہیل امان نے معزز مہمان کا استقبال کیا۔

ان کی آمد پر پاک فضائیہ کے ایک چاق وچوبند دستے نے انہیںگارڈ آف آنر پیش کیا۔

(جاری ہے)

معزز مہمان نے پاک فضائیہ کے شہداء کو خراجِ عقیدت پیش کرنے کے لئے ائیر ہیڈ کوارٹرز میں یاد گارِ شہداء پر پھولوں کی چادر چڑھائی ۔ بعدازاںپرنسپل سٹاف آفیسر ز کا معزز مہمان سے تعارف کرایا گیا۔ رئیرایڈمرل میرازلوف موردل نے پاک فضائیہ کے سربراہ ائیرچیف مارشل سہیل امان سے انکے آفس میں ملاقات کی اور پیشہ ورانہ دلچسپی کے امور پر تبادلہ ء خیال کیا۔ اس گفتگو میں دونوں ممالک کے مابین مزید باہمی تعاون کے امور بھی زیر بحث آئے ۔ اس موقع پر دونوں معززین نے تحائف کا تبادلہ بھی کیا۔