پنجاب حکومت کی جانب سے عام آدمی کی زندگی کو بہتر بنانے کے لئے فیڈر بس سروس کا اجراء کردیا گیا ہے‘صوبائی وزیر آبپاشی

پنجاب حکومت اربوں روپے کی سبسڈی کے ساتھ ایجوکیشن،ہیلتھ اور انفرااسٹرکچر میں بہتری کیلئے دن رات مصروف عمل ہے‘ امانت اللہ شادی خیل

پیر 20 مارچ 2017 18:42

پنجاب حکومت کی جانب سے عام آدمی کی زندگی کو بہتر بنانے کے لئے فیڈر ..

لاہور(اُردو پوائنٹ اخبارتازہ ترین - این این آئی۔ 20 مارچ2017ء) صوبائی وزیر آبپاشی و چیئر مین پیڈا امانت اللہ شادی خیل نے اپنے ایک بیان میں کہا ہے کہ پنجاب حکومت کو یہ اعزاز حاصل ہے کہ وہ اربوں روپے کی سبسڈی کے ساتھ ایجوکیشن،ہیلتھ اور انفرااسٹرکچر میں بہتری کے لئے دن رات مصروف عمل ہے۔پنجاب حکومت عام آمی کی زندگی کو بہتر بنانے کے جذبے سے سرشار ہے اوروقت کی پابندی اور آرام دہ سفر کو ممکن بنانے کے لئے فیڈرایئرکنڈیشنڈ بس سروس کا باقاعدہ آغاز ہوگیا ہے۔

(جاری ہے)

ہر شہری کو انٹر نیشنل معیار کی باوقارعوامی ٹرانسپورٹ کی فراہمی بلا شبہ حکومت پنجاب کی جانب سے بہترین تحفہ ثابت ہوگا۔صوبائی وزیر نے کہا ہے کہ اس طرح کی جدید بس سروس کا آغاز جلد ملتان اور راولپنڈی میں بھی ہو نے جا رہا ہے تاکہ میٹرو کی کمی کو پورا کیا جا سکے۔میٹرو بس اپنے مخصوص روٹس پر چلتی ہے ،جسکی وجہ سے اردگرد کی آبا دی پوری طرح سے مستفید نہیں ہو پاتی تھی ۔اسلئے پنجاب حکومت کی جانب سے عام آدمی کی زندگی کو بہتر بنانے کے لئے فیڈر بس سروس کا اجراء بھی کردیا گیا ہے۔ 23مارچ کے تاریخی دن کی آمد آمد ہے اور یہ فیڈر بس سروس عوام کے لئے خادم پنجاب کی جانب سے ایک نادر تحفہ ہے۔